Isaya 43:21 - Holy Bible Nigerian Pidgin English

²¹ Na mi form dis pipol for mysef and dem go sing praiz mi!”

Isaya 43:21 ပူးပေါင်းရင်းမြစ်များ

Psalms 102:18

So, make una rite dis tin down for una shidren-shidren, so dat wen dem born dem, dem go praiz God.

Psalms 102:19

Make una tell dem sey God dey look down from en temple for heaven. E dey look di eart from heaven

Psalms 4:3

Make una know sey, God dey keep doz wey dey fear am for ensef and E go ansa wen wi koll am.

Psalms 79:13

Den, wi yor pipol, di sheep for yor field, go tank Yu forever kon dey praiz yor name from one generashon go rish anoda.

Proverbs 16:4

Evritin wey God kreate get en purpose; but na wahala, wiked pipol go get.

Isaya 42:12

Make di pipol wey dey stay far, give God praiz and glory kon tok as E good rish!

Isaya 43:1

Naw, God wey kreate una sey, “Make una nor fear, I go save una. I don koll una by una name and una bi my pipol!

Isaya 50:7

But dia curse nor dey pain mi and bikos God wey get pawa dey help mi, I dey fit bear dem. I know sey dem nor go fit disgrace mi,

Isaya 60:21

Una pipol go do di rite tin and dem go get di land forever. Na mi plant and make una, so dat evribody go know how I great rish.

Isaya 61:3

E sey, instead of sadnes, E go give joy and happiness to doz wey dey mourn for Zion. Instead of sorrow, E go put praiz song for dia mout. Dem go bi like tree wey God plant by ensef. All of dem go do wetin dey rite and dem go praiz God for wetin E don do.

Jeremaya 13:11

Just as nika fine and dey tight pesin for waist, na so I wont make Israel and Jerusalem pipol whole mi tight. So dat dem go bi my pipol wey go dey praiz and honor my name; but dem nor gri obey mi.”

Jeremaya 33:9

Jerusalem go bring joy, honor and pride for mi and all di nashons for di world go fear wen dem hear about di good tins wey I go do for Jerusalem pipol and how I go make dia town prosper.”

Malakai 3:17

Oga God sey, “Dem go bi my pipol. For di day wey I go kom judge di world, na dem go bi my own. I go sorry for dem, just as papa dey sorry for en pikin wey serve am.

1 Korintians 10:31

But anytin wey una dey do, weda una dey chop or drink, make una do am to honor God.

Efesians 3:21

Make all glory for Christ church bi en own from one generashon go rish anoda. Amen!

Kolossians 1:16

Bikos God kreate evritin for heaven and eart thru en pikin; both Fisical and spiritual tins; weda dem get pawa or dey rule for difren-difren place; God kreate dem thru am and E kreate dem for am.

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Hibru 13:15

True Christ, make wi kontinue to dey give God praiz as awa sakrifice. So, make wetin dey kom out from awa mout bi, “Na Jesus, bi Oga God.”

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.