Isaya 43:2 - Holy Bible Nigerian Pidgin English

² Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 43:2 ပူးပေါင်းရင်းမြစ်များ

Job 5:19

E go save yu from trobol six times and wen e rish di sevent one, evil pipol nor go fit tosh yu.

Psalms 23:4

Even doh I waka pass di place wey dark pass and where deat dey, I nor go fear anytin, bikos E dey with mi; en rod and staff dey protet and konfort mi.

Psalms 32:6

So make evribody wey dey fear God pray to am as time still dey, so dat dem nor go sofa for judgement day.

Psalms 66:10

My God, Yu don test and make us klean like silva.

Psalms 66:12

Yu allow men rule us; wi dey pass thru fire and wota, but naw, Yu don bring us kom where dey save.

Psalms 91:15

Wen dem koll mi, I go ansa dem; I go dey with dem wen dem dey trobol. I go save and make pipol honor dem.

Exodus 14:29

But Israel pipol waka pass di sea for dry groun and di wota form wall for dem, both for dia rite and left side.

Exodus 3:12

God ansa am, “True-true, I go dey with yu and dis go bi di sign to show sey na mi send yu: wen yu take di pipol komot from Egypt, yu and dem go kom serve mi for dis mountin.”

Isaya 29:6

Den God wey dey lead heaven sojas go send en judgement kom with tonda, eartkweke and one loud vois. E go send strong rain and betta fire follow dem too.

Isaya 30:27

Si! God dey kom from far with strong vexnashon and great glory. E dey vex dey tok and en words bi like fire wey dey distroy tins.

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 41:14

God sey, “Israel pipol, as una small and dey weak rish, make una nor fear, bikos I go help una. Mi wey bi Israel God wey dey holy, na mi bi di only Pesin wey go save una.

Isaya 43:5

Make una nor fear, bikos I dey with una! I go bring una pipol from east and west kom house back.

Jeremaya 42:11

Make una nor fear Babilon king; I dey with una and I go save una from en pawa.

Jeremaya 46:28

I go kom meet and save una. I go distroy all di nashons where I skata una go, but I nor go distroy una. I go must ponish una, but I go do am to korrect una. Mi, wey bi God, don tok.”

Daniel 3:23

Shadrak, Meshak and Abednego wey dem tie dia hand and leg well-well, fall enter di fire centre.

Haggai 1:13

Den Haggai tell di pipol, “God sey: ‘I promise sey I go dey with una.’ ”

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

Malakai 4:1

Oga God sey, “True-true, Judgement day dey kom; e go kom like strong fire. All doz sturbon and wiked pipol go fall and dat day dem go burn die. Both dia rut and branches go burn finish.

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

2 Timoti 4:17

But God dey for my side and E give mi pawa, so dat thru mi, Gentile pipol go hear di Good News and Christ don save mi from lion mout!

2 Timoti 4:22

Make Christ dey with yor spirit. Make God grace and favor dey with yu.

Hibru 11:29

Na faith make Israel pipol cross di Red Sea like sey na dry land, but wen Egypt pipol try am, di wota swallow all of dem.

Joshua 1:5

Nobody go fit stop yu still yu die. I go dey with yu as I dey with Moses. I nor go forget or leave yu.

Joshua 1:9

I dey tok again, so dat yu go dey strong kon get heart! Make yu nor fear or shake, bikos mi wey bi di Oga yor God, I dey with yu for evritin wey yu dey do.”