Isaya 43:16 - Holy Bible Nigerian Pidgin English

¹⁶ God wey make road pass di sea and where wota dey, dis na wetin E tok.

Isaya 43:16 ပူးပေါင်းရင်းမြစ်များ

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Psalms 106:9

E kommand di Red Sea make e dry kon take Israel pipol cross am like sey na desert

Psalms 77:19

Yu waka on-top di sea go diliver yor pipol kon strol pass di great river, but nobody fit si yor footstep bikos e nor show at-all.

Psalms 77:20

Den Yu use Moses and Aaron take lead and guide yor pipol like many sheep.

Psalms 78:13

For der, E divide di sea kon take dem pass as di wota stand up like wall!

Exodus 14:16

But make yu yorsef raiz yor stik kon take am divide di Red Sea, so dat Israel pipol go waka pass for dry groun.

Exodus 14:29

But Israel pipol waka pass di sea for dry groun and di wota form wall for dem, both for dia rite and left side.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 44:27

Na mi kommand di sea make e dry and e dry own.

Isaya 50:2

Why my pipol nor ansa wen I go meet dem sey I go save dem? Why dem nor ansa wen I koll dem? I nor get pawa rish to save dem? But I fit kommand di sea make e dry kon turn river to desert, so dat di fish dem go die.

Isaya 51:10

Na Yu dry di sea kon make road for inside wota, so dat di pipol wey Yu won save, go fit waka pass for dry groun.

Isaya 51:15

Na mi bi di Oga wey bi una God, I dey shake di sea kon make di wave shaut. My name na God wey get pawa!

Jeremaya 31:35

God don promise Israel pipol sey, “E go give dem sun as lite for day time, while di moon and star go dey shine for nite. E sey, E go shake di sea and di wave go roll on-top each oda. En name na God wey dey mighty.”

Revelashon 16:12

Den di sixt angel pour wetin dey en basin put for River Eufrates. Di river dry and road kon dey for di kings wey dey kom from east.