Isaya 43:11 - Holy Bible Nigerian Pidgin English

¹¹ Yes! Na only mi bi God; di only One wey dey save una.

Isaya 43:11 ပူးပေါင်းရင်းမြစ်များ

Psalms 3:8

Viktory dey kom from God. So, I dey beg Yu, God sey, make Yu bless yor pipol.

Isaya 12:2

Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

Isaya 19:20

E go dey remind pipol for Egypt about God. Wen dem dey opress di pipol and dem koll God make E kom help dem, E go send pesin go diliver and help dem.

Isaya 42:8

Na mi bi God and na my name bi dat; I nor go share my glory with anybody or let juju follow mi share my praiz.

Isaya 43:3

Bikos na Mi bi di Oga wey bi una God. Israel pipol God wey dey holy, wey save una. I go sell Egypt, Sudan and Seba pipol, so dat una go dey free.

Isaya 44:6

God wey dey rule and protet Israel pipol; di Pesin wey get pawa sey, “Na mi bi di First and di Last; e nor get any oda god apart from mi wey bi di Almighty God.

Isaya 44:8

So my pipol, make una nor fear or shake! Una know sey from biginnin kon rish naw, I always dey tok di tins wey go happen and una bi my witness. E get any oda god apart from mi? E nor get any oda god, wey get pawa. I neva si or hear about any one?

Isaya 60:16

Nashons and kings go kare for una as mama dey kare for en pikin. Den, una go know sey, mi wey bi God, don save una. Israel God wey get pawa don free una.

Hosea 1:7

But I go love and sorry for Judah pipol. Mi wey bi dia Oga God, go save dem, but e nor go bi thru war, swod, bow, arrow, horse or doz wey dey ride di horse dem.”

Hosea 13:4

God sey, “Na mi bi di Oga una God wey take una komot from Egypt. Una nor get anoda God apart from mi. Na mi dey save una.

Jonah 2:10

Den God kon kommand di fish make e go vomit Jonah put for dry land.

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Luke 1:47

and my spirit dey happy bikos God, my Savior,

Luke 2:11

Today, dem born una Savior for dis town wey David from kom, en name na Christ, wey bi di Oga God.

Acts 4:12

And na en pawa God dey use save pipol, bikos for di whole world, e nor get any oda name wey get pawa to save pipol, like Jesus Christ own.”

Deutronomi 6:4

Israel pipol! Make una listin! Di Oga na awa God and God na one!

Titus 2:10

Make una nor dey tif, instead make una dey show sey una get faith, so dat evritin wey una dey do, go bring praiz to God awa Savior.

Titus 2:13

bikos wi dey wait for di day wen God sey Christ, wey bi awa God Almighty and Savior, go kom.

2 Pita 3:18

But make una grow inside di grace wey awa Oga God and Savior, Jesus Christ give una, so dat una go know am more-more. Make glory bi en own, naw and forever! Amen.

1 John 4:14

Wi don si with awa eye sey, di Papa send en Pikin to bi Savior for di world.

Jude 1:25

Make all glory, majesty, pawa and authority, bi God own, naw and forever thru Christ wey bi awa Oga God. Amen!

Revelashon 1:11

“Make yu rite evritin wey yu dey si inside dis book, den send dem go meet di pipol wey dey di seven church wey dey for Efesus, Smyrna, Pergamum, Tiatira, Sardis, Filadelfia and Laodicea.”