Isaya 42:1 - Holy Bible Nigerian Pidgin English

¹ God sey, “Na my savant wey I give pawa bi dis; di pesin wey I choose and I dey happy with am. I don put my Spirit inside am and e go judge di nashons well.

Isaya 42:1 ပူးပေါင်းရင်းမြစ်များ

Jenesis 49:10

Di pawa rod nor go komot from Judah and di pawa to take rule, go always dey en leg, until e go rish di pesin wey really get am and evribody go obey yu.

Psalms 72:4

E go defend doz wey dem dey opress among di pipol, diliver poor pipol shidren and distroy doz wey dey opress pipol.

Psalms 89:4

‘I go make en shidren-shidren king forever; dem go sidan for di throne from naw go rish wen di world go end.’ ”

Isaya 2:4

E go judge and setol kworel among nashons. E go setol many pipol kase. Dem go turn dia swod to ordinary blade kon use dia spear dey work for vineyard. Den, no nashon go fight against anoda nashon and dem nor go train pipol to fight war again.

Isaya 32:16

Dat time, dem go dey judge and trit evribody well both for di desert and for di town

Isaya 41:8

“But Israel na my savant! Di pipol wey I choose, wey bi my friend Abraham shidren-shidren;

Isaya 41:9

pipol wey I koll and bring back from where di world for end kon sey, ‘Una bi my savant. I don choose una and I nor go rijet una.’

Isaya 42:2

E nor go shaut or make nois or dey tok waka for strits.

Isaya 43:10

Israel pipol, na una bi my witness. I choose una as my savants, so dat una go know, bilive and undastand sey na mi bi di only God. E nor get any oda god wey dey apart from mi. E neva dey before and e nor go ever dey.

Isaya 50:10

All of una wey dey respet God and obey en savant words, di road wey una dey waka fit dey dark, but make una trust una Oga God! Make una put hope for una God.

Isaya 52:13

God sey, “My savant go get wetin e dey find; dem go honor am well-well.

Isaya 53:11

But wen e si all di good tins wey en sofa bring, belle go sweet am. My savant wey I like well-well, go bear plenty pipol ponishment and I go forgive dem bikos of am.

Isaya 59:21

I make kovenant with una sey: I don give una my pawa and word forever and from naw go, make una dey obey mi kon tish una shidren and shidren-shidren, so dat dem go obey mi forever.”

Isaya 61:1

God wey dey mighty, en Spirit dey on mi, bikos E don anoint mi to prish good news give poor pipol; heal doz wey dia heart break; announce make dem release doz wey bi slave and free doz wey dey for prison.

Isaya 63:1

“Who bi dis pesin wey dey kom from Bozrah wey dey Edom? Who wear fine red klot dey waka kom with pawa and strent?” Na mi God wey dey speak with raitiousness, wey dey mighty and get pawa to save.

Haggai 2:23

For dat day, I go take yu, Zerubabel, Shealtiel pikin wey bi my savant kon make yu rule with my name, bikos na mi choose yu.” God wey get pawa don tok.

Zekaraya 3:8

Joshua di High Priest and all di priests, make una listin to mi, na una bi my sign about wetin go happen; bikos I go soon bring my savant, wey bi di Branch!”

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.

Matiu 17:5

As e still dey tok, one brite kloud kon kover dem and one vois kon sey, “Dis na my Pikin wey I love. Make una listin to am!”

Luke 3:22

di Holy Spirit kom down for en head like dove. Den one vois tok from heaven sey, “Yu bi my Pikin wey I love well-well and yu dey make belle sweet mi.”

Luke 4:18

“God Spirit dey my body, bikos E don anoint mi make I prish Good News give poor pipol. E send mi make I prish freedom give pipol wey dey prison and make blind pipol for si. E still sey make I free doz wey dem dey opress

Luke 4:19

and make I announce sey di time wen God won save en pipol, don rish.”

Luke 9:35

One vois from di kloud kon sey, “Dis na my pikin wey I choose. Make una listin to am!”

John 16:32

Look, di time dey kom and e don even rish, wen una go skata and evribody go-go en own way and I go stay alone. But I nor dey alone, bikos my Papa dey with mi.

John 3:34

Di pesin wey God send dey tok about God word, bikos God dey give en Spirit to pipol.

John 6:27

Make una nor work for food wey nor dey last, but for food wey go give una life wey nor dey end and dat kind food, na only Man Pikin go fit give una, bikos na-im God send kom.”

Acts 10:38

Jesus Christ wey kom from Nazaret, na-im God give di Holy Spirit and pawa. Una still know how e do good for evriwhere kon heal pipol wey devil dey opress, bikos God dey with am.

Acts 11:18

Wen dem hear wetin Pita tok, dem nor argue with am again, so dem kon start to praiz God. Den dem sey, “Naim bi sey God don give Gentile pipol di shance to take turn from sin kom meet am, so dat dem go get di life wey nor dey end.”

Acts 28:28

“So make una know sey, dis salvashon wey God bring, dem don karry am go meet Gentile pipol, bikos dem go asept am!”

Acts 9:15

But God tell Ananias, “Make yu go meet am, bikos I don choose am make e karry my name to Gentile pipol, kings and all Israel pipol.

Efesians 1:4

Before God kreate di world, E choose us thru Christ bikos E love us, so dat for en front, wi nor go get any fault and wi go dey holy.

Efesians 1:6

So, make all praiz and glory bi en own, bikos of en free grace wey E give us, thru en pikin wey E love well-well.

Efesians 3:8

Na mi small pass for all God pipol, but God don give mi grace to prish di Good News give Gentile pipol and dis grace wey Christ give mi, nor dey finish.

Filippians 2:7

But e leave evritin wey e get for heaven kon bi like savant. So e kom dis world as human being.

Kolossians 1:13

E save us from darkness pawa and put us for di kingdom wey E give di pikin wey E love.

1 Pita 2:4

Una don kom meet Christ, wey bi di stone wey dey alive. Pipol rijet am, but God choose am and e dey important for God eye.

1 Pita 2:6

God word sey, “Naw, I don lay one stone for Zion; di main stone wey I choose; no money fit buy am and anybody wey bilive am, nor go shame.”