Isaya 41:19 - Holy Bible Nigerian Pidgin English

¹⁹ I go make cedar, akacia, myrtle and olive trees grow for di desert. Forest wey pine, junipa and cypress trees dey, go grow for dry land where tree nor suppose grow.

Isaya 41:19 ပူးပေါင်းရင်းမြစ်များ

Isaya 27:6

Time dey kom wen Jakob shidren-shidren go get rut like tree and dem go grow well. Di fruit wey dem go bear, go full di eart.

Isaya 32:15

Na so dis tins go bi until God go from heaven kon give us new life, den di desert go turn where fruit dey and di fruit tree go many like sey na forest.

Isaya 35:1

Make di desert and doz dry aria, happy. Make di wildaness happy kon grow well like lily flower!

Isaya 43:19

But naw, I go do new tin; e go happen and una go si am! I go make road for di wildaness kon give una plenty wota for der.

Isaya 51:3

I go sorry for Jerusalem and evribody wey dey stay di land wey dem skata. Even doh en land na desert, I go turn am to gardin and e go bi like Eden gardin. Joy and happiness go dey der and dem go sing songs take praiz and tank mi.

Isaya 55:13

Cypress trees go grow for where grass dey naw. Myrtle trees go grow for where shuku-shuku dey. Dis sign go dey forever and e go dey remind una about wetin mi wey bi God don do.”

Isaya 60:13

Dem go bring pine wood, junipa, cypress and di wood wey fine pass for Lebanon forest kom take build Jerusalem again; so dat my temple go fine and di town go get glory.

Isaya 60:21

Una pipol go do di rite tin and dem go get di land forever. Na mi plant and make una, so dat evribody go know how I great rish.

Isaya 61:11

Just as seed dey take grow, na so God wey bi king, go take save en pipol and all di nashons go praiz am.

Isaya 61:3

E sey, instead of sadnes, E go give joy and happiness to doz wey dey mourn for Zion. Instead of sorrow, E go put praiz song for dia mout. Dem go bi like tree wey God plant by ensef. All of dem go do wetin dey rite and dem go praiz God for wetin E don do.

Ezekiel 47:12

For each side for di river, difren trees dey grow for der. Dia leaf nor go dry and dia fruit nor go fall, but dem go dey produce good food evry mont and dia leaf go dey cure doz wey dey sick, bikos di wota wey dey survive dem dey flow kom from di temple.”

Hosea 14:8

Efraim pipol nor go get anytin to do with juju again. I go ansa dia prayers kon kare for dem. I go give dem house like betta green fig tree and na mi go bless dem.”

Zekaraya 1:8

For inside vishon dat nite, I si one man dey ride one red horse, den e stop for one valley wey trees full and I kon si anoda red, brown and white horse wey get black spot for body, dey follow am for back.