Isaya 40:31 - Holy Bible Nigerian Pidgin English

³¹ But pipol wey dey wait for God to kom help dem go get new strent and pawa. Dem go fly high like eagle; even wen dem run, dem nor go taya and wen dem waka, dem nor go faint.

Isaya 40:31 ပူးပေါင်းရင်းမြစ်များ

Job 17:9

But doz wey get good heart, dey do wetin dey rite and di ones wey get klean hand, dey strong evriday.

Psalms 103:5

E satisfy awa life with good tins and even as wi still dey yong, awa life strong like eagle own.

Psalms 123:2

Just as savants dey depend on dia masta and as savant girls dey depend on dia madam, na so wi too dey depend on di Oga awa God, until E go favor us.

Psalms 138:3

Wen I pray, na wons Yu dey ansa mi! Yu enkourage mi kon give mi strent.

Psalms 20:9

God, make Yu give viktory to awa king kon ansa awa kry for help.

Psalms 25:21

As I dey loyal and honest rish, Yu dey protet mi, bikos na Yu bi my hope.

Psalms 25:3

Nobody wey trust Yu dey si disgrace, but disgrace na for doz wey dey try to deceive odas.

Psalms 25:5

Make Yu tish mi, so dat I go know di trut, bikos na Yu bi di God wey save mi and evriday, I dey put my hope for yor hand.

Psalms 37:34

So make yu put yor hope for Oga God. Make yu dey always waka for en ways and E go honor yu wen E give yu dis land, den yu go si as E dey distroy wiked pipol.

Psalms 40:1

I wait with patient make God kon help mi, and E turn kon hear my kry.

Psalms 84:7

Yu dey provide for dem as dem dey travel go di temple and each of dem dey kom meet Yu for Zion.

Psalms 84:8

My Oga! Di God wey get pawa! Make Yu hear my prayers! Jakob God, make Yu listin to mi!

Psalms 92:1

E dey good to tank God. Yes! Awa belle dey sweet us wen ever wi dey sing and praiz di Most High God.

Psalms 92:13

Bikos God don plant dem for en house, dem go grow well.

Exodus 19:4

‘Una don si wetin I do Egypt pipol. Una si as I take karry una for eagle feada kon bring una kom meet mi.

Proverbs 30:19

“ ‘How eagle take dey fly high-high for sky? How snake take dey waka for rock? How ship take dey move for river and how man take dey love woman?’

Song of Songs 8:5

Who bi dis wey hold en love dey waka kom from di desert? I wake yu up from under di apple tree where yor mama for born yu. For der, yor mama dey kry with pain, wen e dey born yu.

Isaya 25:9

Wen all dis tins dey happen, pipol go sey, “Look! Make una si God for here! Wi wait for am and E don kom diliver us. Si God for here! Wi really wait for am. So make wi rijoice and dey happy bikos E don save us.”

Isaya 30:15

Dis na wetin di Oga wey bi Israel God dey tok: “I wish sey una gri turn from sin kom meet mi kon dey wait with patient, I for diliver una; if una kwayet, dey wait mi, I go give una strent and pawa, but una nor gri wait.

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 41:1

God sey, “Una wey dey for far land, make una listin to mi! Make una kom meet mi make I give una new pawa! Make una kom tok to mi; make wi kom togeda kon setol di matter.

Isaya 64:4

Nobody don si or hear about any oda god wey bi like Yu or di one wey fit do di kind tins wey Yu dey do for doz wey put dia hope on Yu.

Isaya 8:17

I go really wait for God wey don rijet Jakob family; I go wait for am.

Jeremaya 48:15

Dem don distroy Moab town and all en pipol; all di fine yong men for der, dem don kill dem finish. Na mi bi di king, di God wey dey mighty, and I don tok.

Zekaraya 10:12

I go make my pipol strong and dem go woship and obey mi.” Mi, Oga God, don tok.

Luke 18:1

Den Jesus tell dem one parabol to show sey, e good make pipol dey always pray.

Romans 8:25

But if wi put hope for wetin wi nor fit si, wi go take all awa mind wait for am with patient.

2 Korintians 4:1

So as wi get dis ministry, just as God don show us mesi, awa hope don strong well-well.

2 Korintians 4:16

So, make wi nor luz hope, bikos even if awa body dey die go small-small, di Pesin wey dey inside us, dey fresh evriday.

Galatians 6:9

So make to do good, nor taya us, bikos wen time rish, wi go gain am.

Deutronomi 32:11

Just as di eagle dey wosh en house kon kover en shidren, na so too God spread en feada kon karry dem go up.

Deutronomi 33:25

Una gate key go bi iron and bronze and God go guide una forever.

1 Tesalonians 1:10

And una dey wait en pikin wey dey kom from heaven. Dis na en pikin, Jesus wey E wake from deat and na-im go save us from God vexnashon wey dey kom.

Hibru 12:1

Since wi get many witness wey surround us, e good make wi drop evry load and sin wey dey make us fall, so dat wi go use awa mind live di life wey God wont.

Hibru 12:3

If una dey tink how Jesus sofa for wiked pipol hand and how dem hate am, una mind go strong for faith.

Joshua 14:11

Yet, I still strong like wen Moses send mi go spy. I fit still fight kon do my evriday work with di same pawa wey I get dat time.

Revelashon 12:14

But dem give di woman two feada like eagle own, so dat e go fly go di place where dem prepare for am for wildaness. For der, dem go kare for am kon protet am from di dragon for three and half years.

Revelashon 2:3

I still know sey yu don bear many tins bikos of my name and still, yu neva taya.

Revelashon 4:7

Di first one bi like lion, di sekond one bi like melu, di third one get human being face and di fourt one bi like eagle.

Judges 16:28

Den Samson pray give God sey, “Oga God wey get pawa, remember mi again. My God! Abeg make Yu give mi pawa one more time. Make I pay Filistia pipol back for my eye wey dem blind.”