Isaya 40:30 - Holy Bible Nigerian Pidgin English

³⁰ Even yong pipol go taya and strong yong men go kwik too.

Isaya 40:30 ပူးပေါင်းရင်းမြစ်များ

Psalms 33:16

Just as di plenty sojas wey king get nor go fit save am, na so too pesin pawa nor go fit save am.

Psalms 34:10

Yong lions wey strong well-well still dey hongry, but doz wey trust God go get all di good tins wey dey dis world.

Psalms 39:5

Si! Yu don make my life short well-well and my whole life bi like one sekond to Yu. True-true, evribody life just bi like breeze wey dey blow pass.”

Ekklesiastes 9:11

I don still notis anoda tin for dis world sey; nor bi who run pass dey always win di race and nor bi di sojas wey strong pass, dey always win di war. Wise pipol dey hongry sometaims and just as pipol wey dey work hard nor dey always get money, na so too pipol wey know book nor dey always get betta life. All dis tins dey happen by shance, as long as yu dey di rite place for di rite time.

Isaya 13:18

Dem go use dia bows and arrows kill di yong men and dem nor go pity for small shidren or new born baby.

Isaya 9:17

So God nor go let any of di yong men eskape; pity for doz wey dia husband don die or doz wey nor get papa and mama again. Bikos all of dem dey wiked; dem nor know God and evritin wey dem dey tok, bad well-well. But God vexnashon nor go end and E still dey ready to ponish en pipol.

Jeremaya 48:15

Dem don distroy Moab town and all en pipol; all di fine yong men for der, dem don kill dem finish. Na mi bi di king, di God wey dey mighty, and I don tok.

Jeremaya 6:11

My Oga God, just as Yu dey vex for dem, na so too I dey vex and I nor fit hide my vexnashon again.” Den God sey, “Di shidren wey dey play for di street and di yong men wey gada togeda, make yu pour my vexnashon for dia body. Dem go seize and karry husband and wife go and dem nor go even sorry for old pipol.

Jeremaya 9:21

Bikos deat don klimb pass awa windows. E don enter awa house wey dem guide well. E don kill awa shidren wey dey play for di street and di yong men wey dey di town centre.”

Amos 2:14

Even doz wey dey run fast nor go fit eskape; strong men nor go get pawa again and sojas nor go fit save dia own life.

1 Samuel 30:10

David and 400 men kon kontinue to porshu dem and two hundred men wey don taya well-well kon stay for River Besor.