Isaya 40:26 - Holy Bible Nigerian Pidgin English

²⁶ Make una look di sky! Who make di stars wey una dey si? Na-im dey lead dem like sojas. E know how dem plenty rish and E dey koll all of dem by dia name! En pawa big well-well and no one among di stars dey miss.

Isaya 40:26 ပူးပေါင်းရင်းမြစ်များ

Jenesis 1:14

God sey, “Make lite dey for di sky wey go separate di day from di nite and make sign dey wey go show sizin, days, years

Jenesis 1:16

God make two big lite: di one wey big pass go shine for day time and di small one go shine for nite. God make di stars too.

Psalms 102:25

Na wen di world just start, Yu build di foundashon for di eart kon make di heavens with yor hand.

Psalms 119:91

Evritin dey as dem dey kon rish today, bikos evritin dey work as Yu plan am.

Psalms 121:1

I go look up to di mountin! Where my help from dey kom?

Psalms 19:1

Di heavens dey show as God glory bi. Di sky dey show how en work big rish.

Psalms 66:3

Make una tell God, “Si as di tins wey Yu do dey great. Yu skata yor enemies with yor strong pawa!

Isaya 34:16

So make una take time take read God book! No one among dis animals go miss and all of dem go get dia patina. God don kommand and en ensef go bring dem togeda with en Spirit.

Isaya 42:5

God wey kreate heaven kon stresh am out, wey make di eart and evribody wey dey inside, di Pesin wey give life to di pipol wey dey di eart and spirit to doz wey dey waka inside sey,

Isaya 44:24

Dis na wetin God wey save una, di Pesin wey form una for una mama belle dey tok: “Na mi bi God wey kreate evritin. Na only mi stresh di heavens kom out kon design di eart as I wont.

Isaya 45:12

Na mi bi di Pesin wey kreate di eart and na mi kreate di pipol wey dey stay inside. Na my pawa I take stresh di heavens out kon kontrol di sun, moon and di stars.

Isaya 45:7

Na mi kreate both lite and darkness; di Pesin wey dey bring blessing and wahala and na mi wey bi God, dey do all dis tins.

Isaya 48:12

Jakob shidren-shidren, make una listin to mi! Israel pipol wey I don koll, na mi bi God: na mi bi di first and na mi still bi di last.

Isaya 48:13

Na my own hand I take make di eart foundashon kon spread di heavens with my rite hand and wen I koll dem, all of dem dey stand kom togeda.

Isaya 51:6

So make una look heaven and eart! Di heavens go vanish like smoke, di eart go tear like old klot and all en pipol go die like fly. But wen I diliver am, e go last forever. My viktory, na di final one.

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Deutronomi 4:19

Wen una look di sky kon si di sun, moon and stars and as evritin bi for heaven, make una nor let anytin move una to woship or serve dem, bikos di Oga una God don give dem to di pipol for di eart.