Isaya 40:1 - Holy Bible Nigerian Pidgin English

¹ Awa God sey, “Make yu konfort my pipol! Konfort dem well-well!

Isaya 40:1 ပူးပေါင်းရင်းမြစ်များ

Nehemaya 8:10

“Naw, make una go house go celebrate. Share food and wine with pipol wey nor get. Today na holy day for awa Oga God, so make una nor kry, bikos na God happiness dey make una strong.”

Psalms 85:3

Yu nor dey vex for dem again and Yu nor show dem yor vexnashon.

Psalms 85:8

I go listin to wetin Oga God tok, bikos E go make peace with en pipol; doz wey dey obey am, so-far dem nor go-go back to dia wiked and yeye ways.

Ekklesiastes 3:4

Time dey to kry and time dey to laf; time dey to mourn and time dey to dance.

Isaya 12:1

For dat time yu go sey: “Oga God, I praiz Yu, bikos Yu bin dey vex for mi, but naw, Yu dey konfort mi and Yu nor dey vex again.

Isaya 3:10

So make una tell innocent pipol sey e go betta for dem, bikos God go reward dem for wetin dem don do.

Isaya 41:27

Na mi God first tell Zion sey, ‘Dis na wetin go happen.’ I send betta news go Jerusalem sey, ‘Una pipol dey kom! Dem dey kom house back!’

Isaya 50:10

All of una wey dey respet God and obey en savant words, di road wey una dey waka fit dey dark, but make una trust una Oga God! Make una put hope for una God.

Isaya 51:12

God sey, “Na mi dey give una pawa. So why una dey fear ordinary men wey nor go last pass grass?

Isaya 51:3

I go sorry for Jerusalem and evribody wey dey stay di land wey dem skata. Even doh en land na desert, I go turn am to gardin and e go bi like Eden gardin. Joy and happiness go dey der and dem go sing songs take praiz and tank mi.

Isaya 52:9

Jerusalem wey dem skata, make una shaut dey happy, bikos God go save en pipol kon give dem peace.

Isaya 60:1

Jerusalem pipol, make una raiz and shine like sun, bikos God glory dey shine on-top una!

Isaya 61:2

E send mi kom tell pipol sey di time for God to save en pipol and defeat dia enemies, don rish! Yes, E go konfort doz wey dey mourn.

Ezekiel 16:42

Den I nor go vex again and I go kwayet. I nor go dey vex or jealous again.

Zekaraya 1:13

So God ansa di angel wey dey tok to mi with words wey dey make belle sweet pesin.

Zekaraya 1:17

Di angel still sey: “God go help Jerusalem and make di town prosper again and di town go bi en own.”

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

2 Korintians 1:4

E dey help us wen wi dey trobol, so dat wi go fit help odas thru di help wey E help us.

1 Tesalonians 4:18

So make una dey enkourage each oda with all dis word.