Isaya 37:20 - Holy Bible Nigerian Pidgin English

²⁰ Naw, Oga wey bi awa God, make Yu save us from Assyria pipol, so dat all di nashons for di world go know sey, na Yu bi God.”

Isaya 37:20 ပူးပေါင်းရင်းမြစ်များ

1 Kings 8:43

My Oga God, make Yu listin to dia prayer. For heaven wey Yu dey, make Yu hear and do wetin dem sey make Yu do, so dat evribody for di world go know and obey Yu, just as yor pipol Israel dey do. Den dem go know sey dis temple wey I build, na di place where dem go for dey woship Yu.

1 Kings 8:59

Make awa Oga God remember all di prayer and komplain wey I don make with am since. Make E always dey show mesi to Israel pipol and dia king wen dem koll am evriday,

1 Kings 8:60

so dat all di nashons go know sey na only God bi God and e nor get anoda god.

Psalms 46:10

God sey, “Make una stand for where una dey, den una go know sey na mi bi God! Evry nashon go honor mi and evribody for di world go praiz my name.”

Psalms 59:13

Make Yu distroy dem as Yu dey vex! Make Yu distroy dem finish! Den di whole world go know sey God dey reign for Israel.

Isaya 25:9

Wen all dis tins dey happen, pipol go sey, “Look! Make una si God for here! Wi wait for am and E don kom diliver us. Si God for here! Wi really wait for am. So make wi rijoice and dey happy bikos E don save us.”

Isaya 33:22

Bikos God wey bi awa ruler, kommander and king, go diliver us.

Isaya 35:4

Make una tell evribody wey nor get hope sey, “Make yu dey strong, nor fear at-all! God dey kom save yu and E go ponish yor enemies.”

Isaya 37:16

“Israel God wey get pawa; di Pesin wey sidan for where high pass di creatures wey get feadas. Na only Yu bi God wey dey rule all di kingdoms for dis world. Na Yu kreate di eart and di sky.

Isaya 42:8

Na mi bi God and na my name bi dat; I nor go share my glory with anybody or let juju follow mi share my praiz.

Isaya 45:5

Na mi bi God, no oda god dey wey bi like mi. I give una pawa, even doh una nor know mi well.

Ezekiel 36:23

Wen I show di kountries how my name dey holy and great rish; di name wey una dey disgrace, dem go know sey na mi bi God. Mi, God wey get pawa, don tok.” “I go use una take show di kountries sey I dey holy.

Ezekiel 39:21

God sey, “I go let di kountry si my glory and I go show dem how I dey judge well with my pawa.

Joel 2:17

Make di priest wey dey serve God for di altar, stand and kry for di temple gate kon sey, “My Oga God, make Yu sorry for yor pipol. Nor allow oda nashons hate, laf and ask us sey, ‘Where una God der?’ ”

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.