Isaya 37:16 - Holy Bible Nigerian Pidgin English

¹⁶ “Israel God wey get pawa; di Pesin wey sidan for where high pass di creatures wey get feadas. Na only Yu bi God wey dey rule all di kingdoms for dis world. Na Yu kreate di eart and di sky.

Isaya 37:16 ပူးပေါင်းရင်းမြစ်များ

Jenesis 1:1

Wen di world just start, na God kreate di heaven and di eart.

2 Samuel 7:26

Dem go know yor name and pipol go tok forever sey, ‘God Almighty na Israel pipol God’ and Yu go always dey protet my kingdom.

1 Kings 18:32

E kon use di stones make altar give God. E dig one big gutta round di altar wey go kontain four gallon of wota.

1 Kings 8:6

Den di priest karry di Kovenant Box enter di temple kon put am for di Most Holy Place; under di creatures wey get feadas.

2 Kings 5:15

Den Naaman and all en men go back go meet and stand for di profet front kon sey, “True-true, I don know naw sey e nor get any God for dis eart escept Israel own! Abeg make yu take dis gift from yor savant.”

Ezra 1:3

Make God dey with all of una wey bi en pipol as una dey go Jerusalem go ribuild di Oga wey bi Israel God house and na-im una go woship for Jerusalem.

Psalms 146:6

Na God make heaven and eart, di sea and evritin wey dey inside dem. E dey keep all di promise wey E make.

Psalms 46:11

God wey dey lead heaven sojas dey with us and na Israel God dey protet us.

Psalms 46:7

God wey dey lead heaven sojas dey with us and na Israel God dey protet us.

Psalms 80:1

Di Shepad for Israel, make Yu listin to us. Yu wey dey kare for Josef shidren-shidren, just as shepad dey kare for en sheep. My God wey high pass di angels, make Yu show yor glory wey dey shine

Psalms 86:10

bikos Yu big well-well and dey do wonderful tins. Na only Yu bi God,

Psalms 99:1

Na God bi king! Make di nashons shake with fear! E sidan for en throne where di angels wey get feadas dey and make di eart shake.

Exodus 25:22

Den I go meet yu for der and from di box kover; between di two angels wey kover di box wey di kommandment dey, I go tell yu all di tins wey yu go kommand Israel pipol.

Isaya 37:15

den e pray,

Isaya 37:20

Naw, Oga wey bi awa God, make Yu save us from Assyria pipol, so dat all di nashons for di world go know sey, na Yu bi God.”

Isaya 40:22

Na di Pesin wey sidan for di throne, make am. Di One wey dey on-top di eart and high pass di sky. Pipol for groun, small like ants for en eye. E dey stresh di sky like curtain; like tent where pipol dey stay.

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Isaya 42:5

God wey kreate heaven kon stresh am out, wey make di eart and evribody wey dey inside, di Pesin wey give life to di pipol wey dey di eart and spirit to doz wey dey waka inside sey,

Isaya 44:24

Dis na wetin God wey save una, di Pesin wey form una for una mama belle dey tok: “Na mi bi God wey kreate evritin. Na only mi stresh di heavens kom out kon design di eart as I wont.

Isaya 44:6

God wey dey rule and protet Israel pipol; di Pesin wey get pawa sey, “Na mi bi di First and di Last; e nor get any oda god apart from mi wey bi di Almighty God.

Isaya 45:12

Na mi bi di Pesin wey kreate di eart and na mi kreate di pipol wey dey stay inside. Na my pawa I take stresh di heavens out kon kontrol di sun, moon and di stars.

Isaya 45:22

Make evribody for di world turn kom meet mi naw and una go dey save, bikos na mi bi di only God wey dey.

Isaya 54:5

Bikos di Pesin wey kreate una, go bi una husband. Na God wey get pawa bi en name. Israel God wey dey holy go save una. Dem dey koll am di God of di whole eart.

Isaya 6:3

Each of dem dey sing dey sey, “holy, holy, holy! Na God wey get pawa, dey holy and en glory full di world.”

Isaya 8:13

Make yu remember sey, mi wey bi God wey get pawa, dey holy, so na mi yu must fear.

John 1:3

Na God make evritin and if to sey E nor make dem, dem nor for dey dis world at-all.

Deutronomi 10:17

Bikos di Oga una God na God of all gods and Oga of all ogas. Na en bi di great Oga God, di God wey dey do wonders, God wey nor dey do wayo and nobody fit bribe am.

Kolossians 1:16

Bikos God kreate evritin for heaven and eart thru en pikin; both Fisical and spiritual tins; weda dem get pawa or dey rule for difren-difren place; God kreate dem thru am and E kreate dem for am.

Hibru 4:16

Make wi nor fear to enter where God throne dey: di place where grace dey, so dat wi go get mesi and God grace go help us wen wi nid help.

1 Samuel 4:4

So dem send some sojas go Shiloh go karry God Kovenant Box wey dey for di cherubim centre. Eli two boys pikin, Hofni and Finehas, dey der with God Kovenant Box.