Isaya 35:4 - Holy Bible Nigerian Pidgin English

⁴ Make una tell evribody wey nor get hope sey, “Make yu dey strong, nor fear at-all! God dey kom save yu and E go ponish yor enemies.”

Isaya 35:4 ပူးပေါင်းရင်းမြစ်များ

1 Kronikles 28:20

David tell Solomon en pikin, “Make yu nor fear, but start di work with strong heart and nor let anytin stop yu. God wey I dey serve, go dey with yu. E nor go abandon yu, but E go stay with yu till yu finish di temple and evritin wey go dey inside.

Psalms 116:11

As I dey vex, I kon sey, “Evribody dey lie well-well!”

Psalms 145:19

Pipol wey dey fear am, E dey give dem wetin dem wont; E dey hear wen dem dey kry for help kon save dem.

Psalms 50:3

Awa God dey kom and E nor dey kwayet at-all. Fire dey burn evritin wey dey en way and strong breeze wey dey make nois, dey round am.

Psalms 94:1

My Oga wey dey fight for pipol. Di God wey dey take revensh, make Yu show us yor glory!

Isaya 1:24

Naw, make una listin to wetin Israel God wey get pawa, dey tok, “I go fight against my enemies kon pay dem back for wetin dem do.

Isaya 25:9

Wen all dis tins dey happen, pipol go sey, “Look! Make una si God for here! Wi wait for am and E don kom diliver us. Si God for here! Wi really wait for am. So make wi rijoice and dey happy bikos E don save us.”

Isaya 28:16

Naw, dis na wetin God tok, “I dey put one foundashon stone for Zion and dem rite dis word put, ‘Di pesin wey bilive and get faith, make e nor fear.’

Isaya 31:5

Just as bird dey fly round en house make e for protet en shidren, na so too God go protet and defend Jerusalem.”

Isaya 32:4

Dem nor go wiked again and dem go dey do tins and tok to dia pipol well.

Isaya 33:22

Bikos God wey bi awa ruler, kommander and king, go diliver us.

Isaya 34:8

God don plan di day wey E go revensh Edom pipol for all di bad tins wey dem do en pipol, Israel.

Isaya 37:20

Naw, Oga wey bi awa God, make Yu save us from Assyria pipol, so dat all di nashons for di world go know sey, na Yu bi God.”

Isaya 37:6

e kon sey, “Make una tell di king: ‘Dis na wetin God tok: “Make una nor fear bikos of all di tins wey una hear and di curse wey Assyria king savant curse mi.

Isaya 40:2

Give Jerusalem pipol heart. Tell dem sey dem don sofa rish and God don forgive dem dia sins. Yes! I don ponish dem well-well for dia sins.

Isaya 44:2

Dis na wetin God tok, “Na mi kreate and form una for una mama belle kon help una, so make una nor fear, bikos una bi my savant; di pipol wey I choose and love.

Isaya 47:3

Pipol go si yor nakednes and shame go katch yu well-well, bikos I go revensh and I nor go sorry for yu.”

Isaya 49:25

But dis na wetin God tok: “True-true, dem go release doz wey dey prison and dem go seize wetin strong men karry kom from war. I go fight with anybody wey fight with una kon save una shidren.

Isaya 49:4

So I ansa, “I don work well-well, yet my work nor mean anytin! I use all my pawa, but I nor gain anytin.” But I still bilive sey, God go defend and reward mi for evritin wey I don do.

Isaya 59:18

E go ponish en enemies akordin to wetin dem do; even doh dem dey stay for far place.

Isaya 61:2

E send mi kom tell pipol sey di time for God to save en pipol and defeat dia enemies, don rish! Yes, E go konfort doz wey dey mourn.

Isaya 63:4

I just feel sey di time to save my pipol don rish and na di rite time to ponish dia enemies bi dis.

Isaya 66:15

God go kom with fire. E go ride kom with di kloud kon ponish doz wey E dey vex for.

Isaya 7:4

Den tell am make e nor worry or fear and make e nor let anybody disturb am, bikos King Rezin, en pipol and Pekah vexnashon nor get pawa rish di smoke wey dey kom out from two firewood.

Daniel 10:18

Den di angel tosh mi again and my body kon strong.

Daniel 10:19

E sey, “Make yu nor fear, God love yu well-well! So nor let anytin worry yu. Make yu dey strong! Wen e don tok like dis, my body kon strong more-more.” Den I sey, “Oga! Yu don make mi dey okay naw.”

Hosea 1:7

But I go love and sorry for Judah pipol. Mi wey bi dia Oga God, go save dem, but e nor go bi thru war, swod, bow, arrow, horse or doz wey dey ride di horse dem.”

Habakkuk 2:3

Make yu rite am even doh e neva rish time for di vishon to happen. But di time go soon rish and wetin I show yu, go happen. E fit bi like sey e nor go happen, but make yu wait; e go must happen and e nor go tey again.

Haggai 2:4

But naw, Oga God sey: Zerubabel make yor heart strong, Joshua, Jehozadak pikin wey bi High Priest, make yu don fear too. All di pipol wey dey di land, make una mind strong. Make una bigin work, bikos I dey with una.

Malakai 3:1

“Si! I dey send my messenja kom and e go prepare di way for mi. Den Oga God wey una dey find, go kom en temple at wons.

Luke 21:28

So, wen dis tins dey happen, make una stand and dey ready, bikos una salvashon don near.”

Efesians 6:10

Finally, make una dey strong with Christ mighty pawa.

1 Tesalonians 5:14

Wi dey beg una, awa brodas and sistas, make una tell pipol wey dey bihave anyhow sey, wetin dem dey do nor good, den make una help doz wey dey weak, but make una dey patient with evribody.

2 Timoti 2:1

So yu, my pikin, make yu dey strong for di grace wey Christ dey give.

Hibru 9:28

na so too Christ die wons, as sakrifice to forgive pipol forever and naw, e go bring salvashon to doz wey dey wait for am.

Revelashon 1:7

(Make una look! E dey kom back inside di kloud and evry eye go si am. Even doz wey shuk am and all di tribes wey dey dis eart, go kry bikos of am. Dis tins go really happen! Amen.)

Revelashon 2:10

Make yu nor fear di tins wey yu go soon sofa. Devil go trow some of una inside prison, so dat e go test una. Yu go sofa for ten days. But make yu nor live mi, even if e mean sey yu go die. Bikos I go give yu di crown wey bi life.

Revelashon 22:20

Di Pesin wey dey tok dis tins, know sey dis tins na true. Jesus Christ sey, “True-true, I go soon kom!” Amen! Oga God Jesus, make yu kom!

1 Samuel 23:17

E tell am, “Make yu nor fear, bikos my papa hand nor go fit tosh yu at-all. Yu go rule Israel and I go dey by yor side. Even my papa know sey na so e go bi.”