Isaya 34:1 - Holy Bible Nigerian Pidgin English

¹ Pipol from evry nashon, make una kom! Make una gada kon listin. Make evribody for di world listin.

Isaya 34:1 ပူးပေါင်းရင်းမြစ်များ

Jenesis 6:13

So God kon tell Noah, “I don sey I go kill evritin wey dey dis eart, bikos bad tins full di eart bikos of dem. Naw I won distroy dem and di eart.

Psalms 24:1

Na God get di eart and evritin wey dey inside. Di world and evribody wey dey stay inside, na en own too.

Psalms 50:1

Di Almighty One wey bi God don tok; E don gada evribody rite from where di sun for dey raiz go rish where e for dey go down.

Psalms 96:10

Make una tell di nashons sey, “Na God dey reign!” Di world stand gidigba and dem nor go fit shake am. God go judge evribody akordin to wetin dem do.

Isaya 1:2

Heaven and eart, make una listin to wetin God tok: “Di shidren wey I train by mysef don turn against mi.

Isaya 18:3

Make evribody wey dey for di world, listin! Una go si one flag on-top di mountin, den una go hear one trumpet sound,

Isaya 33:13

So make evribody wey dey near and far hear wetin I don do, so dat dem go know how my pawa bi.”

Isaya 41:1

God sey, “Una wey dey for far land, make una listin to mi! Make una kom meet mi make I give una new pawa! Make una kom tok to mi; make wi kom togeda kon setol di matter.

Isaya 43:9

Make all di nashons gada togeda and make dem bring di pipol kom: Wish one of dia gods go fit tok wetin go happen for future? Who among dem bin tok wetin dey happen naw? Make dem bring dia witness wey go sey dem dey rite or di pipol wey go kon tell us sey dem tok di trut.

Isaya 48:16

So make una kom near mi and listin to wetin I dey tok: ‘Since I start to tok, I nor hide dey do am; so wen e go happen, I go dey here.’ And naw, Oga God wey get pawa don send mi with en Spirit.

Isaya 49:1

Una wey dey stay for far-far land, make una listin to mi! Before dem born mi, God don koll mi. Wen I dey my mama belle, God don already know my name.

Isaya 63:1

“Who bi dis pesin wey dey kom from Bozrah wey dey Edom? Who wear fine red klot dey waka kom with pawa and strent?” Na mi God wey dey speak with raitiousness, wey dey mighty and get pawa to save.

Jeremaya 22:29

Judah land, Judah land, Judah land! Make una listin to wetin God won tok:

Jeremaya 49:7

Dis na wetin God wey mighty tok about Edom: “Teman pipol nor sabi judge well again? Who dey advise Edom nor fit tell dem wetin dem go do? Abi all dia sense and wisdom don vanish?

Ezekiel 38:17

“Na yu I dey tok about before wen I tell my savant wey bi Israel profet sey, ‘For dat day, I go ask somebody make e attack Israel. God wey get pawa don tok.’ ”

Obadaya 1:1

Dis na di vishon wey God give Obadaya about Edom pipol. God send en savant kom di nashons and dem hear di message wey God give dem sey: “Make una ready! Make una gada una sojas go fight Edom pipol!”

1 Korintians 10:26

Bikos God word sey, “Di eart and evritin wey dey inside, na di Oga God own.”

Deutronomi 32:1

Heavens make una listin to mi as I dey tok; eart make una listin to di words wey I won tok so.

Deutronomi 4:26

I koll heaven and eart as witness today against una. If una break di kommand wey God give una thru mi, una go die for di land wey una won cross Jordan River enter. Una go stay der small; den God go distroy una finish.

Revelashon 2:7

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go allow am chop from di tree for God Paradise and dis tree dey give life.’ ”

Judges 5:3

Una wey bi king, make una listin! Una wey bi rulers, make una hear mi! Bikos I go sing and play music give God, di Oga for Israel.

Judges 5:31

My God, make all yor enemies die like Sisera! But make doz wey love Yu, shine like sun!” So peace kon dey for di land for forty years.