Isaya 33:20 - Holy Bible Nigerian Pidgin English

²⁰ Instead, una go si Zion, di town where wi for dey celebrate awa festival. Una go si Jerusalem too! E go dey save well-well and pipol go stay der! E go bi like tent wey dem nor dey karry komot from where e dey; tent wey dem nor dey pul en peg from groun and en rope nor go kut.

Isaya 33:20 ပူးပေါင်းရင်းမြစ်များ

Psalms 128:5

Make God always dey bless yu from Zion. As long as yu dey alive, yu go si Jerusalem dey prosper.

Psalms 46:5

Bikos God dey stay di town, e nor go skata. Na from wen day just break, God dey protet am.

Psalms 46:6

Nashons don skata and dia kingdoms dey fall! God shaut like tonda and di eart kon bigin melt!

Isaya 32:18

God pipol nor go worry again; peace go dey dia house and dem go dey save.

Isaya 33:6

Na-im dey make en pipol strong kon make dem dey save. E dey protet and give dem wisdom and na only doz wey dey fear am, E dey do all dis tins for.

Isaya 37:33

So dis na wetin God tok about Assyria king: ‘E nor go enter dis town or shot one arrow against am. No soja wey karry shield go kom near di town and dem nor go build anytin take surround am.

Isaya 4:5

Den God go kover and guide Mount Zion with all di pipol wey gada der with kloud for day time and fire for nite. Yes! God glory go kover and protet di whole town.

Isaya 54:2

Make una make una house big well-well; make en rope and en peg dey strong well-well.

Isaya 66:14

Wen una si sey dis tins dey happen, una heart go happy and una go prosper like grass. Den una go know sey, ‘Mi wey bi God dey help pipol wey obey mi, but I dey vex for my enemies.’ ”

Ezekiel 48:35

Di total lengt for di wall for di four side for di town go bi six mile. So, from dat day go, dem go dey koll di town: ‘God Dey Der.’ ”

Ezekiel 48:8

“Di oda part for di land, una go keep am well. E go almost wide rish nine mile from nort go sout and e go get di same lengt from east go west, just as dem give each tribe. Di temple go dey for dis space.

Matiu 16:18

And I tell yu, yu bi Pita, wey mean rock and on-top dis rock, I go build my church and di gate for hell nor go fit skata am.

Deutronomi 12:5

but una must woship di Oga una God for where en ensef go choose from among all di tribes and na der una go for honor en name.

Deutronomi 16:16

For evry year, evry man for Israel go dey celebrate dis three feast: Bread wey nor get yist, Harvest Feast and Shelta Feast. For each feast, evribody must karry gift kom give di Oga una God for di place wey E choose.

Revelashon 3:12

Anybody wey fit bear rish di end, I go make am pila for my Papa Temple and e nor go ever komot from der. I go rite my Papa name; David Town; di new Jerusalem wey dey kom from heaven and my own new name, put for en body.