Isaya 30:9 - Holy Bible Nigerian Pidgin English

⁹ Bikos dis pipol sturbon and dey lie well-well; dem bi shidren wey nor gri obey God law.

Isaya 30:9 ပူးပေါင်းရင်းမြစ်များ

2 Kronikles 33:10

Even as God warn Manasseh and en pipol rish, dem nor gri listin.

Psalms 78:8

Dem nor go bi like dia grand-grand papa wey sturbon; pipol wey nor gri obey, listin or give dia heart to God.

Psalms 81:12

So I let dem do di tins wey dey hongry dem to do kon live dia life di way dem wont am.

Proverbs 28:9

If yu nor dey obey di law, God nor go hear yor prayers.

Isaya 1:10

So Sodom leaders, make una listin to wetin God dey tell una. Gomorrah pipol, make una put ear for wetin God dey tish una.

Isaya 1:2

Heaven and eart, make una listin to wetin God tok: “Di shidren wey I train by mysef don turn against mi.

Isaya 1:4

Una own don finish like who don die, bikos una pipol dey kommit sin. Una don spoil finish and dey do evil tins! Una sins dey bring una down, bikos una don rijet di Holy Pesin, wey bi Israel God kon turn against am.

Isaya 10:5

God sey, “I dey use Assyria pipol as weapon to take ponish pipol wey I dey vex for.

Isaya 10:6

I send Assyria pipol go attack di nashons wey nor know mi kon karry, tif and skata di pipol like dirty for street.

Isaya 24:5

Di pipol wey dey dis world, don skata am with sin, bikos dem nor gri obey God law or keep en kovenant wey go last forever.

Isaya 28:15

Bikos una dey boast sey una don follow deat and dead body enter agriment. Una dey sure sey wahala nor go near una wen e kom, bikos una bilive sey una lie-lie word go save una.

Isaya 30:1

God sey, “I go ponish my shidren wey nor dey obey my kommand. Pipol wey dey do wetin dem like and enter agriment with wiked pipol kon dey do tins without my Spirit. Dem just dey add join dia sins.

Isaya 48:4

Bikos I know how una sturbon rish; una neck strong like iron and una head bi like bronze.

Isaya 5:24

So, as straw and dry grass dey burn for fire, na so too dia life and all di betta tins wey dem get, go dry and blow trowey, bikos dem don rijet wetin Israel God wey get pawa, tish us.

Isaya 63:8

God sey, “Dem bi my pipol and dem nor go lie give mi.” E save dem

Isaya 65:2

I always dey ready to welkom my pipol wey dey sturbon, dey do wrong and dey go dia own way.

Jeremaya 35:14

But Jehonadab shidren-shidren obey wetin e kommand, wen e sey make dem nor drink wine. And until naw, dem neva drink wine. Even doh I dey always tok to una, una nor gri obey mi.

Jeremaya 7:13

Una don do all dis tins and even as I tok to una rish, una nor gri listin or ansa wen I koll una make una turn kom meet mi.

Jeremaya 7:28

So tell dem sey: “Dis na nashon wey nor gri obey di Oga dia God or learn from dia wahala. Nobody for der dey good and di pipol nor dey even tok about good tins again.

Jeremaya 9:3

God sey, “Dis pipol bi like sojas wey don ready dia bows. Dem always dey ready to lie, bikos of dis, dem don get pawa for di land, but na wayo dem take get am. Dem don do many bad tins and dem nor dey tink of mi wey bi dia God.

Ezekiel 24:3

Make yu go tell my sturbon pipol dis parabol wey mi, God get for dem: “Make una put di pot for fire kon pour wota full am.

Hosea 4:2

Dem nor dey keep di promise wey dem make. Instead, dem dey lie, kill, tif and sleep with oda pipol husband and wife. Na so-so wiked tins dem dey do and dem dey kill each oda evriday.

Zefanaya 3:2

Nobody fit tell am anytin, bikos e nor dey gri make dem korrect am. E nor trust God at-all and e nor dey listin to am.

Acts 7:51

“Si how una sturbon! Just as una grand-grand papa dem bi, na so una still bi too, bikos una don make una heart strong to disobey God!

Deutronomi 32:20

God sey, “I go rijet dem, I go si wetin go happen to dem; bikos dis generashon dey show sey dem too know and dem nor get sense.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”

Revelashon 22:15

Pipol wey dey do like dogs, doz wey dey do majik and kill odas; doz wey dey serve juju and dey like to lie, all of dem nor go enter di town.