Isaya 30:30 - Holy Bible Nigerian Pidgin English

³⁰ God go shaut well-well kon fight with pawa. Yes! E go vex kom with fire wey dey distroy, heavy rain and with big-big stone wey dey fall from heaven.

Isaya 30:30 ပူးပေါင်းရင်းမြစ်များ

Job 38:22

Yu don ever go where I dey keep di snow and di ice-blok rain, put?

Job 38:23

I keep dem dey wait di time wen trobol go kom and di day wen war go start.

Job 40:9

Yu strong rish mi? Abi yor vois loud rish my own?

Psalms 2:5

So God kon vex tok to dem and dem bigin fear wen E sey,

Psalms 46:6

Nashons don skata and dia kingdoms dey fall! God shaut like tonda and di eart kon bigin melt!

Psalms 98:1

Make una sing new song for God, bikos E don do wonderful tins! E dey diliver pipol with en rite and strong hand.

Exodus 15:16

Betta fear go katch dem and with yor great pawa, dem go bi like stone kon dey fear until di pipol wey Yu save, go waka pass.

Exodus 9:23

Wen Moses stresh di stik wey dey en hand go heaven, God kon send tonda and plenty ice-blok and fire kon dey fall for groun: so Oga God make ice-blok fall like rain for Egypt.

Exodus 9:24

Fire wey mix with ice-blok kon dey fall too. Di rain strong well-well and Egypt pipol neva ever si dis kind rain before.

Isaya 10:16

Bikos of dis, Oga God wey get pawa go ponish en pipol with sickness. Yes! En glory go-go up like smoke.

Isaya 10:26

Mi, God wey get pawa, go use my kane take flog dem, just as I flog Midian pipol for Oreb Rock. I go ponish Assyria pipol, just as I take ponish Egypt pipol before.

Isaya 10:5

God sey, “I dey use Assyria pipol as weapon to take ponish pipol wey I dey vex for.

Isaya 28:2

Si! God dey send one strong pesin wey get pawa well-well kom attack una. Di pesin go kom like heavy rain kon attack and distroy una with una land.

Isaya 29:6

Den God wey dey lead heaven sojas go send en judgement kom with tonda, eartkweke and one loud vois. E go send strong rain and betta fire follow dem too.

Isaya 30:29

But una go sing just as una dey do wen una dey do festival for evening; una go happy like pesin wey dey blow trumpet go woship for di Oga God mountin; di God wey dey protet Israel.

Isaya 30:31

True-true, God vois go skata Assyria pipol, E go distroy dem with en rod.

Isaya 31:4

True-true, dis na wetin God tell mi, “Like lion wey dey shaut with vexnashon or yong lion wey won chop wetin e kill, na so I go bi like. Even doh many shepad gada round di lion, e nor dey fear dia shaut or run from dem. Na like dis too, Oga God wey dey lead heaven sojas, go kom help Mount Zion.

Isaya 32:19

But even if dem distroy di forest kon skata di town,

Isaya 33:14

Zion pipol wey dey sin, dey fear! Pipol wey nor dey fear God, dey shake. Dem sey, “E get any one of us wey fit survive dat kind fire?”

Isaya 4:6

For day time, God glory go kover di town from strong heat kon protet am from heavy rain.

Isaya 51:9

Oga God, make Yu raiz-up kon help us! Save us with yor pawa. Make Yu use yor pawa, just as Yu dey do before. Di monsta wey dem dey koll Rahab wey dey di sea, na Yu kut am to pieces.

Isaya 52:10

God go use en holy pawa take save en pipol and di whole world go si am.

Isaya 62:8

God don make betta promise and E go make am happen with en pawa den E go sey: “Enemies nor go chop una korn again and strenjas nor go drink una wine again.

Isaya 66:15

God go kom with fire. E go ride kom with di kloud kon ponish doz wey E dey vex for.

Isaya 66:16

Wiked and bad pipol wey dey di world, E go ponish dem with fire and swod kon kill dem well-well.

Jeremaya 25:32

God wey dey mighty sey, “Wahala go kom meet di nashon one-by-one and strong breeze go gada for where di world for end.

Ezekiel 10:5

Pipol wey dey outside di kourtyard dey hear di nois wey di creatures feada dey make and e bi like sey na Oga God dey tok.

Ezekiel 13:13

Naw, dis na wetin God wey get pawa dey tok: “As I dey vex, I go send strong breeze with rain and big-big stone kon skata di wall.

Joel 2:5

Dem go dey make nois like war horse wey dey run on-top mountin and dia nois bi like dry grass wey fire dey burn. Dem bi like strong sojas wey ready to go fight.

Amos 1:14

So, I go skata Rabbah town kon burn all dia strong-strong buildings rish groun. Wen di war start, pipol go dey shaut and e go bi like wen heavy breeze dey blow and strong rain dey fall.

Mikah 1:4

Den di mountins go melt under en leg like kandol wey melt for fire kon rush enter di valley like wota wey dey rush kom from hill.

Matiu 24:7

One kountry go fight with anoda kountry and one kingdom go fight with anoda kingdom. Honga go dey evriwhere and eartkweke go happen for difren place.

Luke 1:51

E don do many big-big tins with en pawa and E don skata di mind of di pipol dey karry body up.

2 Tesalonians 1:8

Den Christ go use fire wey nor dey kwensh take ponish doz wey nor know God and wey nor dey obey wetin wi dey prish about am.

Joshua 10:10

God make dem fear as dem si Israel pipol. Israel pipol really kill dem for Gibeon der. Israel pipol porshu dem pass Bet-Horon kon dey kill dem until dem rish Azeka and Makkedah.

Joshua 10:11

As dem dey run from Israel pipol go di low groun for Bet-Horon, God kon make big-big stone dey fall from sky for dia head go rish Azeka. Dem die well-well and di ones wey di stone kill, many pass doz wey Israel sojas kill.

Revelashon 1:15

En legs bi like bronze wey dem polish for fire and en vois bi like di nois wey sea dey make.

Revelashon 11:19

Den for heaven, God Temple kon open and en Kovenant Box dey inside di temple. Tonda kon dey make nois and spark, den strong eartkweke happen and big-big ice-blok kon dey fall.

1 Samuel 7:10

As Samuel dey burn di ofrin, Filistia pipol dey kom fight Israel pipol. But for dat day, God kon send tonda from heaven go meet Filistia pipol. E make dem fear well-well and Israel pipol kon kill dem well-well.