Isaya 30:27 - Holy Bible Nigerian Pidgin English

²⁷ Si! God dey kom from far with strong vexnashon and great glory. E dey vex dey tok and en words bi like fire wey dey distroy tins.

Isaya 30:27 ပူးပေါင်းရင်းမြစ်များ

Psalms 79:5

My God, na how long Yu go dey vex with us? Na forever? Na how long yor vexnashon go dey burn like fire?

Isaya 10:5

God sey, “I dey use Assyria pipol as weapon to take ponish pipol wey I dey vex for.

Isaya 13:5

Dem kom from far-far kountry; from evriwhere for di world. Yes! God dey vex kom skata di whole kountry.

Isaya 33:12

Una go skata like rocks wey dem dey burn take make lime; like shuku-shuku wey dey burn to ashes.

Isaya 33:14

Zion pipol wey dey sin, dey fear! Pipol wey nor dey fear God, dey shake. Dem sey, “E get any one of us wey fit survive dat kind fire?”

Isaya 34:9

Edom rivers go turn black like shako and di land go turn to sulfur. Di whole kountry go black like shako too.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 59:19

From east go rish west, evribody go fear en and en great pawa. E go kom like river wey dey rush well-well and like strong breeze wey dey blow.

Isaya 66:14

Wen una si sey dis tins dey happen, una heart go happy and una go prosper like grass. Den una go know sey, ‘Mi wey bi God dey help pipol wey obey mi, but I dey vex for my enemies.’ ”

Isaya 66:15

God go kom with fire. E go ride kom with di kloud kon ponish doz wey E dey vex for.

Isaya 9:5

True-true, dem go burn di boot wey di sojas take fight and dia klot wey blood stain.

Jeremaya 4:4

Make una keep di kovenant wey una make with mi wey bi una God kon dedikate unasef to mi. If una nor do am and una kontinue di bad tins wey una dey do, my vexnashon go burn una like fire. E go burn well-well and nobody go fit kwensh am.”

Ezekiel 22:31

So, I go pour my vexnashon for dia head kon distroy dem with fire, bikos of di bad tins wey dem do.” God wey get pawa don tok.

Daniel 7:10

River with fire dey kom out from di throne. Pipol wey dey woship am, many well-well. Many-many pipol still dey wait to kom woship am. Den dem open di book, bikos dem won start to judge kase.

Daniel 7:9

“As I still dey look, dem kom set throne and Oga God wey nor dey die kon sidan put. En klot dey white like snow and en hair bi like lamb skin. En throne dey bring fire like sey di wheel dey burn.

Zefanaya 3:8

So God sey, “Una must get patient as una dey wait for mi. For di day wen I go attack kon karry all una propaty, I don decide sey, I go gada nashons and kingdoms togeda kon pour my vexnashon on dem. Bikos my vexnashon go full di whole world.

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.

Deutronomi 32:22

Bikos my vexnashon don kause fire and e don burn rish di part wey deep pass for di grave kon distroy di eart and en plants, den e skata di mountins foundashon.

Deutronomi 33:2

“God kom from Mount Sinai and E show ensef to Israel pipol for Seir; E shine kom from Mount Paran and E kom with 10,000 holy ones. Na en rite hand E take give dem en law.

Deutronomi 4:24

Di Oga una God na strong fire wey dey burn anytin and E dey jealous well-well.

2 Tesalonians 2:8

Den evribody go know who dis wiked man bi and God go distroy am with breeze from Christ mout kon beri am with di glory wey dey kom.

Hibru 12:29

Bikos awa God na big and strong fire wey dey distroy tins.