Isaya 30:18 - Holy Bible Nigerian Pidgin English

¹⁸ Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 30:18 ပူးပေါင်းရင်းမြစ်များ

Job 35:14

Yu sey yu nor fit si God; but make yu dey patient, bikos yor matter dey en hand.

Psalms 2:12

Make una dey respet God well-well or E go fit vex kon distroy una at wons, bikos of di way una dey bihave. But na blessing dey follow doz wey si am as dia Oga God!

Psalms 27:14

So, make yu dey patient, as yu dey wait for God and get strong mind. Yes! Make yu dey patient, as yu dey wait for am.

Psalms 34:8

Make yu kom try God, den yu go si sey God dey good: Make yu si as God bless di pipol wey bilive am!

Psalms 84:12

My Oga wey bi God for Heaven Sojas, make Yu si di blessing wey dey follow doz wey trust Yu.

Psalms 99:4

Di king dey strong; E love to judge well. God dey make sure sey dem judge evry kase well. Na Yu make betta judgement and raitiousness dey for Israel land.

Exodus 34:6

God pass en front kon sey, “Na mi bi Oga God. I bi God wey get mesi and pity; I nor dey kwik vex; just as I big na so too my love big rish and I nor dey fail.

Proverbs 16:20

Listin to wetin dem tish yu and yu go dey susesful; make yu trust God, so dat blessing go follow yu.

Isaya 18:4

bikos dis na wetin God tell mi, “Just as dew dey form for nite wen harvest time rish and as sun dey shine for day time kon make evriwhere hot, na so too I go kwayet dey look una from heaven where I dey stay.

Isaya 2:11

Di day dey kom wen God go honbol proud pipol kon disgrace sturbon pipol. Den na only God, pipol go dey praiz.

Isaya 2:17

For dat day, God go distroy doz wey dey karry body up kon disgrace sturbon pipol and na only en name pipol go dey praiz.

Isaya 25:9

Wen all dis tins dey happen, pipol go sey, “Look! Make una si God for here! Wi wait for am and E don kom diliver us. Si God for here! Wi really wait for am. So make wi rijoice and dey happy bikos E don save us.”

Isaya 28:17

Na justice dem go take measure di foundashon. And na trut dem go take build am.” Big-big stones go fall kon kill all di pipol wey dey lie well-well and wota go distroy all di place where dem tink sey dem dey save.

Isaya 33:2

So my God, make Yu sorry for us, bikos na Yu wi put awa hope on. Make Yu dey protet us evriday kon save us from trobol.

Isaya 33:5

God dey great well-well! Yes, E dey stay for heaven. E dey judge Jerusalem pipol well-well.

Isaya 40:31

But pipol wey dey wait for God to kom help dem go get new strent and pawa. Dem go fly high like eagle; even wen dem run, dem nor go taya and wen dem waka, dem nor go faint.

Isaya 42:14

God sey, “I kwayet since and I nor ansa my pipol, but di time to tok, don rish. Just as woman wey won born dey shaut, na so too I dey shaut naw.

Isaya 42:16

I go lead doz wey nor dey si, pass di road wey dem neva travel pass before. I go turn dia darkness to lite kon make rof road smooth for dem. Dis na wetin I promise and I go do dem; I nor go fail.

Isaya 48:9

But bikos of my name, I nor gri ponish una; bikos of my praiz, I nor gri distroy una at-all.

Isaya 5:16

Wen God wey dey lead heaven sojas don ponish dis pipol, dem go praiz am and afta E don judge all of dem, evribody go know sey Oga God get pawa well-well.

Isaya 55:8

God sey, “I nor dey tink as una dey tink and una ways difren from my own.

Isaya 57:16

I give my pipol life and I nor go kontinue to curse or vex for dem forever.

Isaya 61:8

God sey, “I like betta judgement, but I hate opreshon and wahala. I go dey faithful to reward my pipol and make kovenant wey go last with dem.

Isaya 64:4

Nobody don si or hear about any oda god wey bi like Yu or di one wey fit do di kind tins wey Yu dey do for doz wey put dia hope on Yu.

Isaya 8:17

I go really wait for God wey don rijet Jakob family; I go wait for am.

Jeremaya 17:7

But I go bless doz wey trust mi. Pipol wey bilive sey I go save dem.

Jeremaya 42:7

Afta ten days, God tok to mi,

Daniel 12:12

Pipol wey dey faithful until di 1,000 three hundred and thirty-five days don end, go dey happy!

Hosea 1:7

But I go love and sorry for Judah pipol. Mi wey bi dia Oga God, go save dem, but e nor go bi thru war, swod, bow, arrow, horse or doz wey dey ride di horse dem.”

Hosea 2:14

I go karry am go wildaness kon make am turn kom meet mi with di sweet-sweet words wey I go tell am.

Hosea 5:15

I go leave my pipol until dem don sofa well-well for dia sin, den dem go dey look for mi. Yes! Dem go really look for mi bikos dem dey sofa.”

Malakai 2:17

Una don make God taya with una many tok. But una still dey ask, “How wi take make God taya?” Na wen una sey, “Pipol wey dey do bad tins, dey good for Oga God eye and E like dem well-well and wen una still ask sey, ‘Where di God wey dey judge well?’ ”

Luke 15:20

So e get up kon go meet en papa. “But wen en papa si am dey kom from far, e sorry for am, run go meet am, hold am near body kon kiss am.

Luke 2:25

One man dey Jerusalem wey en name bi Simeon and di Holy Spirit dey inside am. Di man dey fear God and dey do wetin God like and e dey wait for di time wen God go free Israel.

Acts 5:31

But God don promote am sey make e sidan for en rite hand kon gi-am big pozishon as Oga God and di Pesin wey go save di world, so dat Israel shidren go turn from dia sin kom meet God make e forgive dem.

Romans 5:20

Di law kom so dat sin go inkrease, but where sin get pawa, God grace strong pass am

Romans 9:22

But God won show sey E dey vex, so E kon use en pawa against doz wey E won ponish.

Efesians 1:6

So, make all praiz and glory bi en own, bikos of en free grace wey E give us, thru en pikin wey E love well-well.

Efesians 1:8

Di grace wey E give us, get plenty wisdom, sense and undastandin.

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

James 5:11

Make una tink of how wi dey look pipol wey get patient sey, God don bless dem. Una hear how Job get patient and how God bless am leta. God get mesi and E dey sorry for pesin well-well.

2 Pita 3:15

God dey wait with patient, so dat una go turn from sin kom meet am, just as awa broda Paul rite give una akordin to di wisdom wey God gi-am.

2 Pita 3:9

Nor bi sey God nor fit do wetin E promise as some pipol dey tink, but E dey patient dey wait for una, bikos E nor wont make anybody die trowey, but E wont make evribody turn from sin kom meet am.

1 Samuel 2:3

Make una stop to tok anyhow; make betta word dey kom out from una mout, bikos di Oga God na God wey know evritin wey pipol dey do.