Isaya 30:15 - Holy Bible Nigerian Pidgin English

¹⁵ Dis na wetin di Oga wey bi Israel God dey tok: “I wish sey una gri turn from sin kom meet mi kon dey wait with patient, I for diliver una; if una kwayet, dey wait mi, I go give una strent and pawa, but una nor gri wait.

Isaya 30:15 ပူးပေါင်းရင်းမြစ်များ

1 Kronikles 5:20

Dem ask and pray to God make E help dem and God ansa dia prayers kon make dem win di war.

2 Kronikles 16:8

Kush and Libya pipol nor get plenty sojas, shariot and many men wey dey ride horse for dem? But wen yu trust God, E kon give dem to yu.

2 Kronikles 32:8

Na only human being pawa dem get, but di Oga wey bi awa God dey with us and E go help us fight all awa war.” So, wetin King Hezekaya tok kon make di sojas get strong heart.

Psalms 116:7

So my soul go rest again, bikos God dey good to mi.

Exodus 14:14

God go fight for una, so make una nor worry.”

Isaya 28:12

Before-before, God tell dem, “Dis na where una go dey sikure, so doz wey don taya go fit rest for here. Yes! Dis na where una go fit rest put.” But dem nor gri listin to am.

Isaya 30:11

“Nor do good again, but make yu kom join us. Make yu nor tell us about di Holy One for Israel again.”

Isaya 30:7

Egypt pipol nor go fit help dem at-all and bikos of dis, I koll di land, “Nashon wey dey make mout, but dem nor get pawa.”

Isaya 32:17

and bikos evribody dey do wetin dey rite, peace and sekurity go dey der forever.

Isaya 32:18

God pipol nor go worry again; peace go dey dia house and dem go dey save.

Isaya 40:31

But pipol wey dey wait for God to kom help dem go get new strent and pawa. Dem go fly high like eagle; even wen dem run, dem nor go taya and wen dem waka, dem nor go faint.

Isaya 42:24

Who sell Israel give di tif dem? Na God ensef wey wi sin against! Wi nor dey live awa life just as E wont or obey wetin E tish us.

Isaya 45:22

Make evribody for di world turn kom meet mi naw and una go dey save, bikos na mi bi di only God wey dey.

Isaya 7:4

Den tell am make e nor worry or fear and make e nor let anybody disturb am, bikos King Rezin, en pipol and Pekah vexnashon nor get pawa rish di smoke wey dey kom out from two firewood.

Jeremaya 23:36

So make una nor sey God message na wahala, bikos if anybody tok like dat, den di message go bi wahala to am. Di pipol don shange dia God; di Almighty God wey dey alive, dem don shange en word.

Matiu 22:3

E send en savant go koll di pipol wey dem invite kom di party, but dem nor gri kom.

Matiu 23:37

“O! Jerusalem pipol, O! Jerusalem pipol! Una wey kill di profets and stone di pipol wey God send kom meet una! I don dey try to gada una shidren as fawol dey gada en shidren under am, but una nor let mi do am.

Luke 13:34

“Jerusalem pipol! Jerusalem pipol! Una wey kill profets and stone pipol wey God send kom meet una! E don tey wey I won gada una shidren as fawol dey gada en pikin under en feada, but una nor gri!

John 5:40

but una nor ready to kom meet mi, so dat una go get life wey nor dey end.

Hibru 12:25

Make sure sey una dey obey di Pesin wey dey tok to una! Bikos if Israel pipol wey nor gri hear dia oga Moses word for eart nor eskape, how wi go fit eskape, if wi nor gri hear di Pesin wey dey tok to us from heaven?