Isaya 3:11 - Holy Bible Nigerian Pidgin English

¹¹ But evil pipol own don finish, bikos na wetin dem do pipol, God go do dem too.

Isaya 3:11 ပူးပေါင်းရင်းမြစ်များ

Jenesis 18:25

I know sey Yu nor go do dat kind tin. Yu nor go kill pipol wey dey good with di bad ones.”

2 Samuel 3:39

Even doh na mi God choose to bi king, I dey weak today, bikos dis Zeruaya shidren too sturbon for mi. Make God ponish dis tif, bikos of wetin dem do!”

1 Kings 21:21

So God sey, ‘I go put wahala for yor head. I go kill yu and all di men for yor family; both yong and old ones.

2 Kronikles 6:23

make Yu listin from heaven kon judge di kase. Make Yu ponish di pesin wey dey guilty, den free di one wey dey innocent and make Yu reward di two of dem akordin to wetin dem do.

Job 10:15

If I sin, na big wahala Yu dey give mi, but if I do betta tin, Yu nor go gri reward mi. I don taya, na shame and trobol kover mi so.

Psalms 28:4

Make Yu ponish dem for dia wikedness! Ponish dem akordin to di bad tins wey dem do, den reward dem for all dia wiked plans!

Psalms 62:12

and my love nor dey fail.” True-true, God go pay evribody akordin to wetin dem do.

Proverbs 1:31

So, una go get wetin fit una and wetin una do, go make una sick.

Proverbs 11:31

Doz wey good, dey get dia reward for dis world, but na ponishment go follow pipol wey dey sin and do wiked tins.

Proverbs 12:14

Wise word get gain and hard work dey bring reward.

Proverbs 26:27

So, anybody wey dig pit for pesin go fall inside my ensef and pesin wey roll stone to wound odas, na di stone go fall kill-am.

Ekklesiastes 8:13

But wiked pipol nor go prosper, bikos dem nor dey fear God. Dia life go kwik finish like pesin shadow.

Isaya 13:11

God sey, “I go bring wahala kom di eart and I go ponish all di wiked pipol, bikos of dia sin. I go make anybody wey dey proud, honbol and I go ponish evribody wey dey sturbon and wiked.

Isaya 48:22

Oga God sey, ‘Wiked pipol nor go ever get peace.’ ”

Isaya 65:20

Small shidren nor go die again and evribody go get long life. Even wen pesin don rish hundred years, dem go sey e still dey yong. If dem die before dat time, e go bi sign sey, I ponish dem.

Isaya 65:6

I don already know how I go take ponish dem and dem don rite di way dem go take die for groun. I nor go look wetin dem don do kon trowey face, but I go pay dem back

Isaya 65:7

for dia sins and dia grand-grand papa own. Dem don burn incense for juju hills kon tok bad tins about mi. So I go ponish dem for wetin dem don do pass.”

Jeremaya 21:14

But I go ponish yu for wetin yu don do. I go lite fire put for yor palis and di fire go burn evritin finish. Mi, wey bi God, don tok.”

Jeremaya 31:30

Instead, di pesin wey chop grape wey nor ripe, na en own tit go dey pain am and e go die bikos of en own sin.”

Ezekiel 16:59

God kon sey, “Na as I suppose trit yu, I go trit yu, bikos yu nor gri do wetin yu promise and yu break di kovenant.

Ezekiel 18:20

Na di pesin wey sin, go die. Pikin nor go sofa, bikos of en papa sin and papa nor go sofa, bikos of en pikin sin. Pesin wey good, God go pay am for en goodness, but wiked pesin go sofa di wikedness wey e do.

Ezekiel 2:10

Di hand open di book and dem rite put for di two side. Na kry, mourning and pains dem rite put for di book.

Ezekiel 24:14

“Mi God don tok. Di time don rish for mi to do wetin I won do. I nor go let una sin finish kon go like dat or sorry for una. I go ponish una for wetin una don do.” God wey get pawa don tok.

Ezekiel 33:8

If I sey wiked pesin go die and yu nor warn am to shange, so dat e go save en life, den e kon die as sina, I go whole yu for en deat.

Mikah 3:4

But wen una dey trobol, una go kom beg God make E help una! Una dey espect sey God go ansa una? Afta all di wiked tins wey una don do, God nor go even look una face!”

Mikah 7:13

But di land go still dey empty and dirty go full am, bikos of di wiked tins wey doz wey dey stay der before, don do.

Nombas 32:23

“But if una nor do wetin una promise, I dey warn una, bikos na sin una don kommit against God bi dat. Make una nor konfuse unasef; bikos una go must get di ponishment for una sin.

2 Korintians 5:10

Bikos all of us must stand for Christ front and e go judge us akordin to di tins wey wi do wen wi dey dis eart; weda dem good or bad.

James 2:13

Judgement nor get mesi for anybody wey nor dey mesi for odas, bikos mesi betta pass judgement.

Judges 9:57

God still pay Shekem pipol back for di bad-bad tins wey dem do. And di curse wey Jotam, Jerub-Baal (wey bi Gideon) pikin curse dem, really follow dem.