Isaya 28:29 - Holy Bible Nigerian Pidgin English

²⁹ All dis wisdom dey kom from God wey dey lead heaven sojas. Na-im dey give pipol wisdom and dey guide us for evritin wey wi dey do.

Isaya 28:29 ပူးပေါင်းရင်းမြစ်များ

Job 37:23

Wi nor fit kom klose to God, bikos en pawa big well-well! E always dey rite and korrect as E dey deal with us.

Job 5:9

Wi nor go fit know di great tins wey E dey do and en wonders nor get end.

Psalms 118:23

Dis na God handwork and e dey wonderful for awa eye.

Psalms 40:5

My Oga God, Yu don do wonderful tins for us. Wetin Yu plan for us too many to kount. Nobody bi like Yu. If I start to kount all di wonderful tins wey Yu don do, I nor go fit kount dem finish.

Psalms 92:5

Wi dey si di great work wey Yu do! Di tins wey Yu dey tink, deep well-well.

Psalms 92:6

Who nor get sense nor go fit know wetin Yu dey do and na only fools nor go undastand sey:

Proverbs 8:14

Kommon sense and suksess na my own. Na mi get undastandin and pawa.

Isaya 28:28

E must grind en flour if e won make bread. En melu wey e take dey work, e know how e go take karry dem pass di farm, so dat dia leg nor go distroy di rice.

Isaya 31:2

God wise well-well! E dey do just as E tok. E go ponish wiked pipol and doz wey dey enkourage pipol to sin.

Isaya 41:20

Pipol go si dis tins and dem go know sey, na mi wey bi God, do am. Den dem go undastand sey, na Israel God wey dey holy, make all dis tins happen.”

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

Romans 11:33

Who fit know how God big rish? Who fit know how God wisdom and undastandin bi? Who fit esplain why God dey do wetin E dey do!