Isaya 28:16 - Holy Bible Nigerian Pidgin English

¹⁶ Naw, dis na wetin God tok, “I dey put one foundashon stone for Zion and dem rite dis word put, ‘Di pesin wey bilive and get faith, make e nor fear.’

Isaya 28:16 ပူးပေါင်းရင်းမြစ်များ

Jenesis 49:10

Di pawa rod nor go komot from Judah and di pawa to take rule, go always dey en leg, until e go rish di pesin wey really get am and evribody go obey yu.

Jenesis 49:24

But en bow go dey strong and e nor go move and e hand go sabi work bikos of Jakob God, di Shepad, wey bi di Rock for Israel,

2 Kronikles 20:20

Di next day for early morning, dem mash go Tekoa Desert. Wen dem don ready to move, Jehoshafat kon stand sey: “Make una listin, una wey bi Judah pipol and doz wey dey stay for Jerusalem! Make una trust di Oga una God and E go save una! Make una trust en profet words and una go win.”

Psalms 118:22

bikos di stone wey di pipol wey dey build rijet, don turn to di main stone.

Psalms 87:1

Di town wey God build by ensef, dey for di holy mountin.

Isaya 14:32

How una go take ansa di messenjas wey dey kom meet una from Filistia land? True-true, God don make Zion great and en pipol wey dey sofa, go dey save for der.

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 54:11

God sey, “My Jerusalem; di town wey dey sofa and nor get help; di place wey nor get who go konfort am. I go use stones wey dear well-well take build una foundashon again.

Daniel 2:45

My king, yu si sey di stone kut komot from mountin, but nor bi human being hand kut am. E skata di iron, bronze, silva, klay and gold to pieces. God Almighty don show di king wetin go happen for future. I don tell yu yor dream and wetin e mean.”

Zekaraya 10:4

Rulers, leaders and kommanders go kom from Judah and some go rule my pipol.

Zekaraya 3:9

“Si, I dey put one stone wey get seven eye for Joshua front. I go rite put kon remove all di sin wey dis land don kommit.

Matiu 21:42

Jesus kon tell dem, “Una neva read God word wey sey: “ ‘Di stone wey di builders rijet don bikom di pila? Dis na God work and e dey wonderful for awa eye.’

Mark 12:10

Una neva read God word wey sey, “ ‘Di stone wey di builders rijet, don turn to di main stone?

Romans 10:11

Bikos God word sey, “Anybody wey bilive am, nor go shame.”

Romans 9:33

God word sey: “Si, for Zion, I dey arrange stones wey go make pipol fall, yet doz wey bilive am, E nor go disappoint dem.”

1 Korintians 3:11

bikos God don choose Jesus Christ as di One and only foundashon and dem nor go fit lay any oda foundashon.

Efesians 2:20

Dis na bikos, God don build una on-top di apostles and profets foundashon and na Jesus Christ bi di nomba one stone wey God take lay di foundashon.

2 Timoti 2:19

But God strong foundashon still stand and dem rite put sey, “God know en pipol and evribody wey bi Christ own, must stop to do evil.”