Isaya 28:1 - Holy Bible Nigerian Pidgin English

¹ Efraim pipol, una own don finish! Una glory dey fade like flower wey breeze blow trowey, bikos una leaders don drink well-well and even with all di perfume wey dem spray, dem still sleep for dirty, bikos di drink don katch dem well-well.

Isaya 28:1 ပူးပေါင်းရင်းမြစ်များ

2 Kings 15:29

Wen Pekah dey rule Israel, King Tiglat-Pileser for Assyria kon attack and katch Ijon, Abel-Bet Maaka, Janoah, Kedesh, Hazor, Gilead and Galilee, plus all di aria for Naftali, den e karry di pipol go Assyria.

2 Kronikles 28:6

King Pekah for Israel wey Remalaya born, kill 120,000 sojas for Judah, bikos dem turn from dia grand-grand papa God.

Proverbs 23:29

Na who dem dey curse? Na who dey face trobol? Na who get enough? Na who dey komplain? Na who sore full en body? Na who nor dey fit si well?

Isaya 28:7

Even di profets and di priests dey stagga bikos dem don drink well-well. Dem don drink plenty wine and e dey konfuse dem. Dem don drink sotey dem nor dey fit undastand di vishon wey God send kom or judge any kase well.

Isaya 5:11

Una own don finish! Una wey dey wake up for early morning bigin drink. Una dey drink still evening until di drink katch una well-well.

Isaya 5:22

Una own don finish! Pipol wey bi champion for where dem for dey drink ogogoro! Dem dey get heart well-well wons e rish to mix difren drinks!

Isaya 8:4

Before di pikin go big rish to sey, ‘Papa or Mama,’ all Damaskus propaty and di tins wey dem karry from Samaria, Assyria king go kom karry dem go.”

Isaya 9:11

So God kon make dia enemies attack dem. E make dia enemy vex attack dem.

Isaya 9:8

God don sey, “I go judge Israel pipol wey bi Jakob shidren-shidren.”

Isaya 9:9

Israel and Samaria pipol wey get pride and sturbones go know kon sey,

Hosea 4:11

God sey, “Bikos my pipol dey drink old and new wine, dem nor get sense again.

Hosea 5:5

Israel pipol sturbones dey tok against dem. Dia sin dey make dem kick stone fall and Judah pipol dey fall with dem too.

Hosea 5:9

Bikos Judgement Day dey kom wen dem go distroy Israel pipol. Wetin I dey tok naw, go really happen to una!

Hosea 6:10

I don si wiked tins for Israel: Judah pipol don make demsef dirty, bikos dem dey woship juju.

Hosea 7:5

Wen di king dey do party, en and en ofisas dey drink well-well and dem go dey make plans with yeye pipol.

Levitikus 26:19

I go break una strong pride; una nor go get rain; una land go dry kon strong like iron.

Amos 2:12

But una make di Nazirite drink wine kon sey make di profets nor prish my message.

Amos 2:8

For where dem for dey woship, dem dey kover diasef with klot wey dem kollect from poor pipol as payment for debts. For inside God temple, dem dey drink wine wey dem kollect from doz wey dey whole dem money.

Amos 4:1

Samaria wimen, una bi fat melu for Bashan! Una dey ponish pipol wey nor strong, wey dey poor and dey opress doz wey dey hongry, den una go tell una husband, “Give us more wine make wi drink.”

Amos 6:1

E go bad well-well for una wey dey enjoy life for Zion and una wey feel sey una dey save for Samaria. Una tink sey na una strong pass, bikos Israel pipol dey respet and koll una to kom help dem.

Amos 6:4

E go bad well-well for una wey dey relax for una big fine chair kon dey chop betta meat!

Amos 6:6

Una dey drink wine from di basin wey una dey use for sakrifice and dey spray betta perfume for body, but una nor kare about Israel land wey don skata.

Amos 6:8

Oga God wey get pawa don warn una well-well sey, “I hate as Israel pipol proud rish; I hate di strong and big-big house wey dem get. I go give dia main town and evritin wey dey inside, to dia enemies.