Isaya 27:9 - Holy Bible Nigerian Pidgin English

⁹ So like dis, God go forgive Jakob shidren and na like dat dem go take show sey dem nor go sin again. Dem go skata all di stone for dia juju altars kon distroy Asherah juju and all di incense altars.

Isaya 27:9 ပူးပေါင်းရင်းမြစ်များ

2 Kings 10:26

Dem bring di pila for di juju temple kom outside kon burn dem.

2 Kings 23:14

E skata dia juju pila finish kon kut Asherah juju pole rish groun, den e pak human being bones full di shrine.

2 Kings 25:9

E burn God Temple, di royal palis and all di house for Jerusalem.

2 Kronikles 14:5

Judah town get peace, bikos di king skata all di place and altar where dem for dey serve juju.

2 Kronikles 34:4

E give orda sey make dem distroy Baal juju kon skata di incense altar wey dey on-top dem. E skata and grind Asherah juju, di oda juju and dia image, den e pour dia dust on-top di juju savant graves.

2 Kronikles 36:19

Dem burn God Temple kon skata Jerusalem wall. Dem burn all di towns wey dem fence kon distroy all dia betta-betta tins.

Psalms 119:67

I bin dey sofa, bikos I waka live yor ways, but naw, I dey obey yor word.

Psalms 119:71

My pains dey good for mi, bikos e dey tish mi how to listin to yor kommand.

Exodus 34:13

But una must distroy dia altars; skata dia images and kut dia Asherah juju poles trowey.

Proverbs 20:30

Korrect ponishment dey drive evil komot from pesin mind kon make en heart klean.

Isaya 1:29

Una go shame for unasef, bikos una woship trees kon build some juju gardin.

Isaya 17:8

Dem nor go put dia hope for di altar wey dem make with dia hand or trust Asherah juju or di incense altar wey dem still make with dia hand.

Isaya 30:22

Una go distroy una juju wey dem make with silva and gold. Una go trowey dem like rag wey dem take klean groun kon sey, “Make una take dem komot here.”

Isaya 4:4

God go use en pawa take judge and make di nashons holy. E go forgive Jerusalem pipol dia sins kon klean di land bikos of pipol wey dem kill for der.

Isaya 40:2

Give Jerusalem pipol heart. Tell dem sey dem don sofa rish and God don forgive dem dia sins. Yes! I don ponish dem well-well for dia sins.

Isaya 48:10

Naw, make una si as I don klean una and nor be like silva; but na betta sofa and wahala I take test and klean una.

Ezekiel 11:18

“Wen dem kom back, dem must skata all di rubbish tins wey dem dey do before kon skata any juju wey dem si for der.

Ezekiel 20:38

Doz wey bi sinnas, I go take dem komot from where una dey. I go take dem komot from di land where dem dey stay naw and dem nor go ever kom back to Israel land again. Den una go know sey na mi bi God wey get pawa.”

Ezekiel 6:4

I go skata di juju kon broke dia incense altar. I go kill all di pipol for dia juju front.

Daniel 11:35

Even some wey wise go die and dis tin go kon make di pipol klean. E go kontinue like dis until di end rish; di time wey God don set.

Hosea 14:8

Efraim pipol nor go get anytin to do with juju again. I go ansa dia prayers kon kare for dem. I go give dem house like betta green fig tree and na mi go bless dem.”

Levitikus 26:30

I go distroy di place where una for dey woship on-top di hills kon skata una incense altars, den kill and trowey una dead body near una juju wey don fall. I go rijet una finish.

Mikah 5:11

I go skata una wall kon distroy una pawa.

Zekaraya 13:2

For dat day, I go remove all di juju name from di land and nobody go remember dem again. I go kill anybody wey klaim sey en na profet, den pipol mind nor go dey to go woship or serve juju again.

Romans 11:27

And na dis go bi my agriment with dem wen I don forgive dem dia sins.”

1 Korintians 11:32

But wen God judge and ponish us, E dey do am, so dat E nor go kondemn us with dis world.

Deutronomi 12:3

Make una break di altars and skata di pilas. Make una burn di Asherah juju poles kon kut dia juju. Make una make sure sey una distroy all dia gods!

Hibru 12:6

Bikos na di pesin wey God love, na-im E dey korrect and E dey ponish all di shidren wey bi en own.”