Isaya 27:1 - Holy Bible Nigerian Pidgin English

¹ For dat day, God go use en great and pawaful swod take ponish and distroy Leviatan; dat dragon wey dey twist and waka fast-fast. Yes! God go kill di great monsta wey dey inside sea.

Isaya 27:1 ပူးပေါင်းရင်းမြစ်များ

Job 26:13

Wen E breath, di sky dey klear. Na en hand E take distroy di big snake.

Job 3:8

Make di pipol wey dey curse day, curse am! Make di pipol wey dey curse wota juju, curse am too.

Job 40:19

E dey among di tins wey God kreate wey dey sopraiz pipol! Na only God wey kreate am go fit distroy am.

Job 41:1

“Yu fit use fish hook take katch Leviatan or use rope take tie en tongue?

Psalms 104:26

Di ship dey travel on-top sea and Yu still make whale dey swim and play for der too.

Psalms 45:3

My strong warrior! Make yu karry yor swod kon appear with yor glory and majesty!

Isaya 26:21

bikos God dey kom from where E dey stay for heaven kon ponish pipol bikos of dia sins. Di eart go show all di innocent pipol blood wey dem share on-top am and e nor go ever forget di innocent pipol wey dem kill.

Isaya 51:9

Oga God, make Yu raiz-up kon help us! Save us with yor pawa. Make Yu use yor pawa, just as Yu dey do before. Di monsta wey dem dey koll Rahab wey dey di sea, na Yu kut am to pieces.

Isaya 65:12

una go die yeye deat, bikos na so una wont am and una nor ansa wen I koll una or listin wen I tok to una. Una nor gri obey mi, instead una kon dey do wiked tins.

Isaya 65:25

Wolf and sheep go dey chop togeda; lions go chop grass like melu, while snake go chop san and dem nor go dey wiked again. Nor-tin wey go kause wahala or evil go dey for my holy mountin for Zion again.”

Isaya 66:16

Wiked and bad pipol wey dey di world, E go ponish dem with fire and swod kon kill dem well-well.

Jeremaya 47:6

Na wen una go kry rish kon sey, ‘Oga God, na wen Yu go stop to kill us with yor swod? Wi beg, make Yu put yor swod down kon rest small!’

Jeremaya 51:13

Una wey dey stay along Babilon river, una end don near well-well. Una wey rish well-well with propaty wey una tif, dis na di time to kill una.

Jeremaya 51:34

King Nebukadnezzar for Babilon don skata, chop and distroy my town like empty cup. E swallow am like wiked animal and na awa propaty full en belle. E still porshu us komot from awa own land.

Ezekiel 29:3

Tell am sey dis na wetin God wey get pawa dey tok: “Yu wey bi juju for wota, I bi yor enemy naw. Yu sey na yu get and kreate Nile River abi?

Amos 9:3

If dem hide on-top Mount Karmel, I go find and katch dem. If dem hide for bottom sea, I go kommand di wiked animals for sea make e bite dem die.

Revelashon 12:3

Den I si anoda sign for heaven: I si one big red dragon with seven heads and ten horns and seven crowns, dey di heads.

Revelashon 13:11

Den I si anoda beast dey kom out from groun. E get two horns like small sheep own, but e dey tok like dragon.

Revelashon 13:4

Dem dey woship di dragon, bikos na-im give di beast pawa to take rule. Dem dey woship di beast sey, “Who bi like di beast? Na who fit follow am fight?”

Revelashon 16:13

Den, I si three evil spirit wey resemble frog dey kom out from di dragon, di beast and di fake profets mout.

Revelashon 17:1

Den one from di seven angel wey whole di seven basin tell mi, “Kom make I go show yu how God go kondemn and ponish dat ashawo wey sidan on-top plenty wota.

Revelashon 17:15

Den di angel kon tell mi, “Di wota wey yu si, wey di ashawo sidan on-top, na many pipol, tribe, kountry and language.

Revelashon 19:21

Dem take di swod wey dey kom out from di Pesin wey dey ride di horse mout, kon kill di odas, den all di birds chop dia body till di beleful.

Revelashon 2:16

So, make yu turn from sin kom meet God! If not, I go kwik-kwik kom fight yu with di swod wey dey my mout.

Revelashon 20:2

E seize di dragon, dat old snake wey bi Satan di devil and dem don tie am der for like 1,000 years.