Isaya 26:7 - Holy Bible Nigerian Pidgin English

⁷ Raitious pipol dey live korrect and good life and dia ways dey-dey strait.

Isaya 26:7 ပူးပေါင်းရင်းမြစ်များ

1 Kronikles 29:17

I know sey Yu dey test evribody heart and Yu dey like doz wey dey respet diasef. I put my body for groun kon use all my heart take give Yu all dis tins and I don si how all yor pipol dey happy as dem dey give Yu dia gifts.

Job 31:6

Make God just test mi weda I dey klean and E go si sey I nor do any bad tin.

Psalms 1:6

True-true, God dey guide en pipol for evritin wey dem dey do, but E go distroy doz wey nor dey follow en ways.

Psalms 11:4

But God dey for en holy temple; E dey rule from heaven. E dey look as evribody dey live dia life for dis eart.

Psalms 11:7

God dey good and E dey judge well; so E go favor doz wey dey do good too.

Psalms 25:4

My God, make Yu show mi di rite way kon point di road wey I go follow.

Psalms 25:5

Make Yu tish mi, so dat I go know di trut, bikos na Yu bi di God wey save mi and evriday, I dey put my hope for yor hand.

Psalms 27:11

My God, make Yu tish mi how I go live my life and bikos my enemies hide for korna dey wait to distroy mi, make Yu lead mi pass di rite road.

Psalms 5:9

bikos my enemies nor dey tok di trut. Wetin dey hongry dem to do, na to distroy odas; dia troat bi like open grave and na so-so lie-lie words full dia mout.

Proverbs 11:5

Pesin wey dey good dey always do good tins, but if yu dey do wiked tins, na yor own sin go distroy yu.

Proverbs 20:7

Good pipol dey always do di rite tin and God dey bless dia shidren.

Proverbs 21:8

Bad belle pipol nor gri do wetin dey rite; but innocent pipol dey do wetin dey good.

Proverbs 3:6

Always dey remember God kommand for anytin wey yu dey do, den E go show yu di korrect way.

Proverbs 4:18

Raitious pipol ways bi like sun for morning wey dey shine well-well go rish evening.

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 35:8

One fine road go dey der and dem go koll am, “Holiness Road.” No sina go travel pass dat road and foolish pipol nor go fit deceive doz wey dey waka pass der.

Isaya 42:16

I go lead doz wey nor dey si, pass di road wey dem neva travel pass before. I go turn dia darkness to lite kon make rof road smooth for dem. Dis na wetin I promise and I go do dem; I nor go fail.

Isaya 52:12

Una nor go hurry komot dis time, or try to eskape, bikos di Oga wey bi una God, go lead and protet una for evry side.

Isaya 57:2

Pipol wey dey live betta life, get peace and dem dey rest even wen dem don die.

Jeremaya 10:23

My Oga God, wi know sey pipol nor fit kontrol dia own destini and dem nor get di pawa to know wetin go happen to dem.

Hosea 14:9

Make doz wey dey wise, undastand dis tins. Make doz wey get sense, listin well-well. God ways dey true and e dey rite too and pipol wey dey raitious, dey follow am as dem dey live dia life. But doz wey dey sin, go stagga fall.

Zefanaya 3:5

But God still dey di town and E nor dey do bad at-all. E dey always judge matter well and E nor dey fail. Yet wiked pipol nor dey shame at-all.

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

2 Korintians 1:12

Wi dey happy, bikos wi know sey di way wi dey live awa life for dis world and how wi dey bihave with una, dey show sey na God send us thru en pawa, nor bi human being own.

Efesians 2:10

God kreate us thru Jesus Christ as di good work wey E don prepare down before, so dat wi go dey do as E plan.

1 John 3:10

Na like dis una go take know God and devil shidren. Pesin wey nor dey do wetin good for God eye and nor love en broda or sista for Christ, nor bi God pikin.

1 John 3:7

So my shidren, make una nor let anybody deceive una: If pesin dey do wetin good for God eye, dat show sey dat pesin dey good, just as Christ dey good for God eye.