Isaya 26:17 - Holy Bible Nigerian Pidgin English

¹⁷ Just as woman wey get belle dey kry and shaut with pain wen e won born, na so too wi dey kry from awa heart for Yu wey bi awa Oga God.

Isaya 26:17 ပူးပေါင်းရင်းမြစ်များ

Jenesis 3:16

God kon tell di woman, “Wen yu dey labor, I go make am pain yu well-well. Na inside pain yu go take born shidren. Yu go won kontrol yor husband, but na-im go bi yor head.”

Psalms 48:6

Fear katch dem well-well and dem kon dey kry with pain like woman wey won born.

Isaya 13:8

Fear go katch all of dem with pain like woman wey won born. Dem go dey look each oda with fear and shame go full dia face.

Isaya 21:3

So bikos of all dis tins wey I hear, my belle kon dey pain mi and e dey make mi fear. E dey pain mi like woman wey won born.

Isaya 37:3

Dis na di message wey e send dem: “Today na trobol day, bikos dem don ponish and disgrace us well-well. Wi bi like woman wey won born, but wi too weak to even push.

Jeremaya 30:6

Naw, make una tink am well! Man fit get belle kon born pikin? So wetin make una men dey put dia hand for belle like sey dem bi woman wey won born? Wetin make evribody dey fear?

Jeremaya 4:31

I hear kry, like woman wey won born; shaut like woman wey dey born en first pikin. Jerusalem pipol dey find as dem go take breath and naw, dem dey kry sey, “Make una help us! Bikos na die wi dey so o-o!”

Jeremaya 6:24

I kry kon sey, “Wi don hear di news and fear dey katch us. So naw, wi dey pass thru pain like woman wey won born.

John 16:21

Wen woman won born pikin, e dey sofa strong pain, bikos en time to born don rish, but wen e don born, e go happy and e nor go remember di pain again, bikos e go si sey e don born pikin.

1 Tesalonians 5:3

Wen pipol dey sey, “Evritin dey okay and peaceful,” na dat time wahala wey go skata evriwhere go kom and e go bi like di pain wey woman dey face wen e won born and nobody go eskape from am.

Revelashon 12:2

Di woman get belle and e dey kry well-well, bikos e won born naw.