Isaya 26:15 - Holy Bible Nigerian Pidgin English

¹⁵ Yu don make awa nashon big well-well and Yu kon show how Yu strong rish. Yes! Yu don make awa land wide well-well.

Isaya 26:15 ပူးပေါင်းရင်းမြစ်များ

Jenesis 12:2

“Den I go turn yu to one strong kountry kon bless yu. Yor name go dey great and yu go get betta blessing.

Jenesis 13:16

And I go make yor shidren-shidren plenty like san-san for di eart and nobody go fit kount dem.

1 Kings 8:46

Wen yor pipol sin against Yu (bikos e nor get who nor dey sin) and Yu vex kon let dia enemies defeat and karry dem like prisonas go anoda land. Even if di land far well-well,

2 Kings 17:23

So God rijet Israel pipol, just as E don bin warn dem thru all en savant, di profets. Dem karry Israel pipol from dia land go Assyria and dem dey der till naw.

2 Kings 17:6

For nine years wen Hoshea dey rule, Assyria king katch Samaria kon karry Israel pipol go Assyria. E keep dem for Halah near Habor (Gozan river) and for Medes town.

2 Kings 23:27

God sey, “Just as I komot Israel from my eye, na so too I go komot Judah pipol. I go rijet dis town wey I choose, both Jerusalem and di temple wey I sey, ‘I go stay.’ ”

Nehemaya 9:23

Just as star many for sky, na so di shidren wey Yu give dem many and Yu let dem win and stay for di land wey Yu promise dia grand-grand papa sey Yu go give dem.

Job 12:23

Na-im dey give nashons pawa kon still skata dem again.

Isaya 10:22

But as Israel pipol plenty like san-san for wotaside, na only few go kom back, bikos na di distroshon wey fit dem, dey wait for dem.

Isaya 33:17

E nor go tey again before una go si one good king wey dey rule well with one kingdom wey big and wide well-well.

Isaya 40:5

Den God glory go kom out and evribody go si am, bikos God don tok am with en own mout.”

Isaya 44:23

Heavens, make una shaut dey happy! All di deep part for dis eart, make una shaut well-well! Make mountins and evry tree for di forest, shaut too, bikos God protet Israel pipol kon show how E great rish.

Isaya 6:12

I go send my pipol go far place and nobody go stay for di land again.

Isaya 60:21

Una pipol go do di rite tin and dem go get di land forever. Na mi plant and make una, so dat evribody go know how I great rish.

Isaya 9:3

Yu don make di pipol plenty kon give dem great joy. Dem dey happy for yor present, just as doz wey dey harvest wetin dem plant dey happy or as sojas dey celebrate wen dem divide wetin dem karry kom from war.

Jeremaya 30:19

Di pipol wey dey stay der go sing, praiz and dem go shaut for joy. My blessing go make dem many well-well and e go bring honor for dem.

Jeremaya 32:37

“I go gada all my pipol from di kountry where I skata dem put, bikos I bin dey vex and I go bring dem back to dis land, so dat dem go dey save.

Ezekiel 36:24

From evry tribe, kountries or towns wey una dey, I go bring una kom back to una house.

Ezekiel 5:12

Some of una go die bikos of honga; sickness go kill some; swod go kill anoda set for outside di town and di remain wons, I go skata dem for air kon porshu dem with my swod.

Nombas 23:10

Who go fit kount Jakob dust, dem too many to kount. Make I die as God pikin; make I die in peace as betta man.”

Luke 21:24

Dem go use swod kill some, karry some as prisona go anoda kountry and di Gentile pipol go distroy Jerusalem, until di time wey God sey Israel must sofa, go end.

John 15:8

My Papa go get big honor if una bear plenty fruit, wey go show sey una bi my disciples.

John 17:1

Wen Jesus don tok all dis tins finish, e look heaven kon sey, “My Papa, di time don kom wen yu go give glory to yor pikin, so dat yor pikin go give yu glory too.

Deutronomi 10:22

Wen una grand-grand papa dem go Egypt, dem bi only seventy. But naw, di Oga una God don make una plenty like di stars for sky!

Deutronomi 28:25

God go still allow una enemies beat una; una go attack dem from one side, but una go run komot seven side, den all pipol for di eart go dey fear bikos of wetin hapun to una.

Deutronomi 28:64

bikos God go skata una among many kountries from one end for di eart go rish di oda end. For der, una go woship gods wey una or una grand-grand papa nor know before; gods wey dem make with wood and stones!