Isaya 25:2 - Holy Bible Nigerian Pidgin English

² Yu don turn di towns to where dem dey trow dirty put. Di place where strenjas for dey save before, nor bi town again and nobody go ribuild am.

Isaya 25:2 ပူးပေါင်းရင်းမြစ်များ

Job 12:14

Wen God skata, who go fit build am again? And who go fit free pesin wey God put for prison?

Isaya 13:20

Nobody go stay der again. No human being go ever stay der again and nobody wey get animals go karry en animal go chop grass for der again.

Isaya 13:21

Na wild animals go dey stay der and na birds go full dia house wey go don skata. Ostrich go dey stay der and na for der wiked goats go for dey play.

Isaya 13:22

Hyenas and jackals go dey make nois for di towa and di palis, bikos Babilon time don nearly finish! En days don dey pass!”

Isaya 14:23

I go turn Babilon to where birds and wild animals dey stay and wota wey nor dey go front or back, go full di land. I go swip am trowey, just as pesin dey use broom take swip dirty trowey.”

Isaya 17:1

Dis message na about Damaskus pipol, “Si, Damaskus town go disappear and e go turn where dem dey trow dirty put.

Isaya 17:3

Nobody or town go defend Israel land again and na oda pipol go rule Damaskus. Pipol wey go survive for Siria, dem go disgrace dem like Israel pipol. Mi, wey bi God wey get pawa, don tok.”

Isaya 21:9

Si, men wey dey ride horse dey kom. Den di guide sey, “Babilon don fall! All di juju wey dem dey woship, skata for groun!”

Isaya 23:11

God stresh en hand go di sea kon konker kingdoms, den kommand make dem distroy all di strong town for Kanaan.

Isaya 23:13

Make una si Kaldean town, pipol wey nor know where dem from kom! Assyria pipol don turn di land to where wild animals dey stay. Dem don skata dia towas, distroy dia strong town kon turn am to where dem dey trow dirty put.

Isaya 24:10

Di whole town don skata and pipol lock diasef inside dia house, so dat dem go dey save.

Isaya 25:12

God go distroy di high wall wey Moab pipol take dey protet diasef and E go bring dem down forever.

Isaya 26:5

True-true, pipol wey dey karry body up, God dey bring dem down. E dey distroy and skata towns wey tink sey dem too strong. Yes, E dey trow dem for dust.

Isaya 27:10

Naw, dem don distroy all di strong towns. E empty and e don turn desert where animals for dey kom look for food chop.

Isaya 32:14

Bikos dem don run leave dia strong town. Di town wey pipol bin full don turn empty place. Nobody dey stay dia hill and towas again and naw, na der wiked donkey and sheep dey for chop grass.

Isaya 32:19

But even if dem distroy di forest kon skata di town,

Isaya 34:13

Shuku-shuku go grow full dia farms; jackals and owls go dey stay for di town.

Isaya 37:26

So, yu neva hear sey na so I plan all dis tins since? And naw, I don do am; bikos na mi give yu pawa to take skata all di towns wey dem protet.

Jeremaya 51:26

Di stone wey skata for una town, una nor go fit use am take build house again. Una go bi like desert forever.

Jeremaya 9:11

God sey, “I go pak dirty full Jerusalem and jackals go dey stay der, den I go turn Judah town to desert where nobody dey stay.”

Deutronomi 13:16

Una must gada all di dirty for der kon put am for di street centre, den burn di town rish groun as ofrin to di Oga una God. Una must distroy di town forever and make nobody build am again.

Revelashon 18:19

Den dem go pak dust for dia head kon dey kry and mourn: “E bad well-well! Babilon, di big town and where all doz wey get ship for sea dey from get money, bikos na only one hour God take distroy am! E bad well-well for yu!