Isaya 25:1 - Holy Bible Nigerian Pidgin English

¹ Oga God, na Yu bi my God! I go praiz yor name kon show as Yu good rish, bikos Yu don do wonderful tins and na as Yu tok before-before, na so Yu do am.

Isaya 25:1 ပူးပေါင်းရင်းမြစ်များ

Psalms 111:4

E dey make us remember en wonderful works, bikos awa God dey good and dey show mesi!

Psalms 118:28

Na Yu bi my God and I go praiz Yu! Na Yu bi my God and I go lift yor name high!

Psalms 145:1

I go honor Yu wey bi my God and King kon praiz yor name forever and ever.

Psalms 146:2

I go praiz God as long as I dey alive. Even if I dey die, I go sing praiz to God.

Psalms 31:15

My future dey yor hand. Make Yu save mi from my enemies pawa, bikos dem won kill mi.

Psalms 40:5

My Oga God, Yu don do wonderful tins for us. Wetin Yu plan for us too many to kount. Nobody bi like Yu. If I start to kount all di wonderful tins wey Yu don do, I nor go fit kount dem finish.

Psalms 40:6

Yu really don make mi undastand sey, nor bi only sakrifice and ofrin yu wont. True-true, Yu nor just wont only burnt or sin ofrin.

Psalms 46:10

God sey, “Make una stand for where una dey, den una go know sey na mi bi God! Evry nashon go honor mi and evribody for di world go praiz my name.”

Psalms 75:2

God sey, “Wen di time wey I choose don rish, I go judge pipol.

Psalms 78:4

Wi nor go hide dis trut from awa shidren; wi go tell di next generashon about di good-good tins wey God do, en pawa and di wonderful tins wey dey sopraiz us.

Psalms 89:1

I go always dey sing about God love wey nor dey fail! Both yong and old pipol go hear about how God good rish.

Psalms 98:1

Make una sing new song for God, bikos E don do wonderful tins! E dey diliver pipol with en rite and strong hand.

Psalms 99:5

So make una praiz di Oga awa God! Make una bow woship am, bikos E dey holy!

Exodus 15:2

Na God bi my pawa and Savior. Dis na my God and I go praiz am. My grand-grand papa dem God and I go sing about how E great rish.

Isaya 11:5

E go rule en pipol with betta mind and respet.

Isaya 12:1

For dat time yu go sey: “Oga God, I praiz Yu, bikos Yu bin dey vex for mi, but naw, Yu dey konfort mi and Yu nor dey vex again.

Isaya 26:13

Oga God, difren-difren pipol don rule us, but na only Yu wi go dey praiz forever.

Isaya 26:8

My Oga God! Wi dey wait for Yu as Yu dey judge us. Yes! Na yor greatness and as Yu dey do yor tins, dey make us grow.

Isaya 28:29

All dis wisdom dey kom from God wey dey lead heaven sojas. Na-im dey give pipol wisdom and dey guide us for evritin wey wi dey do.

Isaya 40:27

So, Israel pipol! Why una dey komplain sey God nor know una trobols or kare if una dey sofa at-all?

Isaya 46:10

I know di end from di biginnin and na from wen I kreate di world I don dey tok tins before dem happen. I sey na as I plan am, na so e go bi and I go do am as I wont am.

Isaya 46:11

I koll one eagle kom from east; from one far land, di one wey dey kom do wetin I plan. Just as I tok, na so e go bi and wetin I plan, must happen.

Isaya 49:4

So I ansa, “I don work well-well, yet my work nor mean anytin! I use all my pawa, but I nor gain anytin.” But I still bilive sey, God go defend and reward mi for evritin wey I don do.

Isaya 49:5

And naw, Oga God sey, na mi kreate and form yu from yor mama belle as my savant, so dat yu go bring Jakob, my pipol kom back to mi kon gada Israel togeda. Dis na bikos Oga God don honor mi and na-im bi my strent.

Isaya 61:10

Jerusalem pipol dey happy, bikos of wetin God don do. E bi like yong woman wey dem dress ready for marriage. God don wear salvashon and viktory klot for en body.

Isaya 7:13

So Isaya sey, “Listin naw, una wey bi David shidren-shidren. Even doh e bad to dey try ordinary human being patient, una won try God own too?

Joel 2:26

Una go get plenty food to chop kon beleful. Una go praiz di Oga una God wey don do many wonderful tins for una and nobody go laf my pipol again.

Nombas 23:19

God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

Efesians 1:11

All tins dey happen as God wont am and thru Christ, E choose us to bi en own pipol, bikos na so E plan am from di time wen E kreate di world,

Revelashon 15:3

Dem dey sing Moses wey bi God savant and di Lamb song sey: “God wey dey mighty, si as di tins wey yu dey do dey big and wonderful! Yu wey bi king for all nashons. Yu nor dey do parsha and evritin wey yu dey do, na true.

Revelashon 19:11

Den I si heaven open and one white horse dey kom out! Dem dey koll di Pesin wey dey ride di horse, “Faithfulnes and Trut.” E dey judge without parsha or wayo even as E dey go fight war.

Revelashon 7:12

Dem kon dey sey: “Make praiz, glory, wisdom, tanks, honor, authority and pawa bi awa God own forever and ever. Amen!”