Isaya 24:18 - Holy Bible Nigerian Pidgin English

¹⁸ Anybody wey run from di wahala go fall for di pit and anybody wey won eskape from di pit, di trap go katch am, bikos wahala like heavy rain go fall from heaven and di eart foundashon go shake.

Isaya 24:18 ပူးပေါင်းရင်းမြစ်များ

Jenesis 19:24

Den God send sulfur and fire like rain kom Sodom and Gomorrah

Jenesis 7:11

Wen Noah don old rish six hundred and two monts, for di seventint day for di mont, all di wota for sky bigin rush anyhow and di heaven kon open,

2 Kings 7:2

One of di king ofisas ansa, “Abeg. Dat nor fit happen! Even if God ensef dey drop food from heaven, e nor go fit happen!” Elisha ansa, “Yu go si am dey happen, but yu nor go ever chop from am!”

Job 20:24

Wen dem won run, bikos of iron swod, di bronze bow go shot dem fall.

Psalms 18:15

Den as God kommand and as E just breath, di sea bottom open and di eart foundashon kon dey show.

Psalms 18:7

Fear kon make di pipol for di eart dey shake. Di mountins foundashon kon dey shake too; dem dey shake bikos God dey vex.

Psalms 18:8

Smoke dey kom out from dia nose; fire dey pour kom out from dia mout with hot shako.

Ekklesiastes 9:12

True-true, nobody know di time wen dis tins go happen! Like fish wey net katch or bird wey enter trap, na so too, wahala just dey kom meet pipol by sopraiz.

Isaya 13:13

For di day wey mi, God wey get pawa go show my vexnashon, I go shake di heavens and di eart go shake komot from where e dey.

Isaya 2:19

Wen God won kom shake dis eart with en pawa and glory, pipol go hide for hole, inside rock den dig hole for groun so dat dem go eskape from God vexnashon.

Isaya 2:21

True-true, wen God go kom shake di world, pipol go hide inside hole for rock, so dat dem go fit eskape from God vexnashon and en glory.

Isaya 42:22

But naw, dem don tif all en pipol tins; lock dem undagroun kon hide dem for prison. Dem tif from dem kon karry all dia tins komot and nobody dey to save dem.

Isaya 8:14

Bikos I dey holy; I bi like stone wey dey fall pipol and rock wey dey make pipol stagga. Yes! I bi like trap wey go katch pipol for Jerusalem.

Jeremaya 48:43

Wahala, pit wey dem dig and trap wey dem set, dey wait for Moab pipol.” Na so God don tok.

Jeremaya 48:44

God still sey, “Anybody wey try eskape di wahala go fall enter di pit and anybody wey fit kom out from di pit go enter trap, bikos God don set di time wey dem go distroy and skata Moab.

Lamentashons 3:47

Wi dey fear, bikos wi dey trap; wi don konfuse and distroy awasef.

Ezekiel 11:8

Shebi una dey fear swod? So, I go fight una with men wey karry swods.

Ezekiel 12:13

Den I go trow my net on-top am kon katch am with my trap. I go take am go Babilon wey bi Kaldea pipol land (but e nor go si am) and na der e go for die.

Ezekiel 15:7

and ponish Jerusalem pipol. Dem don eskape one fire, but naw, betta fire go burn dem finish. Wen I don ponish dem, den una go know sey na mi bi God.

Amos 5:18

E go bad well-well for una wey dey wait for God day! Wetin make una dey wait for dat day to kom? Instead make di day bring lite, na darkness go kom.

Amos 5:19

E go bi like pesin wey run hide bikos of lion, but where e hide put or run enter, na tiga e go meet for der! Or like pesin wey run go hide for house, but as e put en hand for wall, snake kon bite am!