Isaya 22:2 - Holy Bible Nigerian Pidgin English

² Di whole town dey make nois anyhow. Una pipol wey die, nor die for war, but na honga kill dem.

Isaya 22:2 ပူးပေါင်းရင်းမြစ်များ

Isaya 10:4

Una nor go get anywhere to go dan to knee down with prisonas or to sleep with doz wey dem don kill. And with all dis, God still dey vex and E dey ready to kill dem with en own hand.

Isaya 23:7

Una sure sey dis na Tyre, di town where dem for dey celebrate since? Town wey God kreate, wey en pipol dey difren place for di world?

Isaya 32:13

Make una kry well-well, bikos shuku-shuku and grass don grow kover di land. Make una kry for all di house and towns wey pipol for dey happy before.

Isaya 32:14

Bikos dem don run leave dia strong town. Di town wey pipol bin full don turn empty place. Nobody dey stay dia hill and towas again and naw, na der wiked donkey and sheep dey for chop grass.

Isaya 37:33

So dis na wetin God tok about Assyria king: ‘E nor go enter dis town or shot one arrow against am. No soja wey karry shield go kom near di town and dem nor go build anytin take surround am.

Isaya 37:36

So God angel go Assyria kamp for nite kon kill 185,000 sojas. All of dem die before day break!

Jeremaya 14:18

Anytime I dey strol outside di town, doz wey dem kill for war, na dia dead body I dey si for road and wen I enter di town, I go still si sey pipol dey die, bikos dem nor si food chop. Profet and priest dey do dia work, but dem nor know wetin dem dey do.”

Jeremaya 38:2

“God sey, ‘Anybody wey stay for di town go die for war or honga or diziz go kill-am. But di pipol wey go-go surenda give Babilon pipol, nor go die; dem go eskape with dia life.’ ”

Jeremaya 52:6

For di ninet day for di fourt mont for dat same year wey Zedekaya don dey rule, di honga for di town kon sirious bikos di food wey remain, don finish.

Lamentashons 1:1

Jerusalem, where many pipol dey stay before, don empty naw. Di town wey great pass oda nashons before, don bi like woman wey en husband die leave. Na Jerusalem bi kween for di world before, but naw, na slave e bi.

Lamentashons 2:20

Si, Oga God! Why Yu dey ponish us like dis? Make wimen chop dia shidren wey dem love? Or make dem kill priests and profets for inside God temple, bikos of sofa?

Ezekiel 22:5

Di kountries wey dey far and di ones wey dey near, go laf una, bikos una nor konfuse well-well.

Zefanaya 2:15

Dis na di find town wey dem guide well-well before. Di town bin dey boast sey, “Na mi great pass! E nor get any town wey bi like mi!” But naw, si as e don turn where dem dey trowey dirty put and na wild animals dey stay der naw. Evribody wey dey pass der, dey laf and shake dia head bikos of am.