Isaya 22:12 - Holy Bible Nigerian Pidgin English

¹² For dat time, Oga God wey dey lead heaven sojas kon sey make una dey kry, mourn, shave una hair and wear sak klot.

Isaya 22:12 ပူးပေါင်းရင်းမြစ်များ

2 Kronikles 35:25

Profet Jeremaya sing one song for King Josaya and e don turn tradishon for doz wey dey sing for Israel and na both man and woman dey use di song wen dem dey mourn. Dem add di song join di oda mourning songs.

Ezra 9:3

Wen I hear dis tins, I vex tear my klot, kut my hair and bear-bear kon sidan for groun dey mourn.

Nehemaya 9:9

Yu si as awa grand-grand papa dem sofa for Egypt; Yu hear dem wen dem kry for help for di Red Sea.

Job 1:20

Den Job stand up, tear en klot; barb en hair kon fall face groun.

Ekklesiastes 3:11

God dey make evritin happen for di rite time. Yet nobody go fit really undastand all di tins wey E don do and E put kweshons for awa mind about wetin don happen before and wetin go still happen.

Ekklesiastes 3:4

Time dey to kry and time dey to laf; time dey to mourn and time dey to dance.

Isaya 15:2

Den Dibon pipol go klimb di hill go kry for dia shrine bikos of wetin happen to Nebo and Medeba town. Moab pipol go kry well-well. Evribody go barber bololo kon shave dia bear-bear.

Isaya 26:10

Even if Yu sorry for wiked pipol, dem nor go still learn how to do wetin dey rite and even for where raitious pipol dey rule, wiked pipol still dey do wiked tins; dem nor dey si God glory wey dey kom.

Isaya 29:1

Jerusalem, David town, una own don finish! Make una kontinue to dey do una sakrifice evry year, just as e suppose bi.

Isaya 3:24

Instead make dem dey scent well, dem go dey smell. Instead make dem wear betta belt, dem go tie rope for waist. Instead make dia hair fine, hair nor go dey dia head at-all. Na rag dem go dey wear, instead of fine klot. Dia beauti go turn to shame!

Isaya 32:11

Una dey enjoy life since and nor kare about anytin, but naw, make una shake dey fear! Make una pul una klot kon tie rag for una waist.

Isaya 37:1

As King Hezekaya hear di ripot, e vex tear en klot kon wear sak klot go God temple.

Isaya 37:2

E send Eliakim wey bi di offisa wey dey kare for di palis, Shebna wey bi di kourt seketry and di senior priest go meet Profet Isaya wey bi Amos pikin and all of dem wear sak klot too.

Isaya 58:3

Di pipol ask, “Wetin make us dey fast and honbol awasef if God nor go ansa us?” God kon tell dem, “Di true bi sey, for di time wey una dey fast, una still dey opress una workers and run follow tins wey una like.

Jeremaya 16:6

Rish and poor pipol go die for dis land and nobody go beri or mourn for dem. Pipol nor go kut dia body or shave dia hair to show sey dem dey mourn for dem.

Jeremaya 16:8

“Make yu nor go house where pipol for dey do party, tok-less of to follow dem sidan chop and drink.

Jeremaya 4:8

So make una wear sak klot, kry and roll for groun, bikos God still dey vex well-well for Judah.

Jeremaya 7:29

So, Jerusalem pipol! Make una mourn and kut una hair. Make una sing burial song on-top evry hill, bikos God sey, ‘I go rijet and forget dis pipol, bikos dem don make mi vex.’ ”

Ezekiel 27:31

Dem go skrape dia hair for una kon wear sak klot. Dia heart go bitter as dem dey kry.

Daniel 5:1

King Belshazzar do party for en royal men wey rish 1,000 and e kon drink wine togeda with dem.

Hosea 9:1

“Israel pipol, make una stop to celebrate una festival like doz wey nor know God. Una don turn from una God and nor dey faithful to am again. Una don sell unasef give juju like ashawo wey dey di land and una love wetin una tink sey love una.

Joel 1:13

Una wey bi priests wey dey serve for di altar, make una wear sak klot kon kry! Make una go mourn for di temple till day break, bikos korn and wine nor dey wey una go offa give una God!

Joel 1:8

Make una kry like virgin wey dey mourn for di man wey e suppose marry.

Joel 2:12

Dis na wetin make God sey, “Make una turn from sin kom meet mi naw wey time still dey. Make una give mi una heart. Make una fast, kry and mourn as una dey kom meet mi.

Joel 2:17

Make di priest wey dey serve God for di altar, stand and kry for di temple gate kon sey, “My Oga God, make Yu sorry for yor pipol. Nor allow oda nashons hate, laf and ask us sey, ‘Where una God der?’ ”

Amos 8:10

“I go turn una festival to burial kon shange una happiness to kry. I go make una kut una hair kon wear sak klot, den I go make una mourn like sey una only pikin just die. Dat day go bitter well-well.

Jonah 3:6

Wen dia king hear di news, e get up from en throne, remove en fine klot, wear sak kon sidan for ashes.

Mikah 1:16

Judah pipol, make una mourn and shave una hair, bikos dem go karry di shidren wey una love go as slave. Make una skrape una head like vulture own, bikos dem go karry una small-small shidren go work as slave for anoda land.

James 5:1

Yu wey get money, make yu listin! Cry make dem hear yor vois, bikos of di bad tins wey go happen to yu.