Isaya 21:17 - Holy Bible Nigerian Pidgin English

¹⁷ Kedar pipol wey dey fight with bow and arrow, na dem strong pass, but na only few of dem go remain. Mi wey bi Oga God for Israel don tok and na so e must mi.”

Isaya 21:17 ပူးပေါင်းရင်းမြစ်များ

Psalms 107:39

But as for dia enemies, dem kon dey small more-more, bikos of di pain and sofa wey dem dey face.

Isaya 1:20

But if una sin against mi, una go die. Mi, wey bi God, don tok.”

Isaya 31:2

God wise well-well! E dey do just as E tok. E go ponish wiked pipol and doz wey dey enkourage pipol to sin.

Isaya 34:16

So make una take time take read God book! No one among dis animals go miss and all of dem go get dia patina. God don kommand and en ensef go bring dem togeda with en Spirit.

Isaya 45:23

Wetin I promise una, na true and nobody go fit shange am. Evribody go kom knee down for my front den promise sey dem go respet and obey mi.

Jeremaya 44:29

Mi wey bi God go show una sign sey I go ponish una for dis place and as I promise sey I go distroy dis place, na so e go bi.

Jeremaya 49:28

Dis na wetin God tok about Kedar and Hazor kingdom, wey King Nebukadnezzar for Babilon, win: “Make una katch Kedar pipol kon distroy doz wey dey east!

Zekaraya 1:6

But evritin wey I tok thru my profets, happen to una grand-grand papa dem, just as I tok am. So dem turn from sin kom meet mi kon sey, ‘Oga God wey dey lead heaven sojas, na en really ponish us, just as wi deserve am. E don do wetin E sey E go do.’ ”

Nombas 23:19

God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

Matiu 24:35

Heaven and eart go vanish, but my word go still dey.