Isaya 2:22 - Holy Bible Nigerian Pidgin English

²² So make una stop to trust human being, bikos dem just dey breath thru dia nose. Wetin dis pipol bi sef? So make una stop to trust human being pawa. All of dem go die one day, so how dem won take help una?

Isaya 2:22 ပူးပေါင်းရင်းမြစ်များ

Jenesis 2:7

So Oga God take some san-san for groun take mold man kon breath life enter en nose, den di man kon dey breath.

Jenesis 7:22

Evritin for land wey dey breath thru dia nose kon die.

Job 27:3

as far I dey breath and God still give mi life,

Psalms 146:3

Make yu nor trust pipol wey get pawa; bikos dem nor go fit help yu.

Psalms 62:9

Human being bi like ordinary dirty wey breeze dey blow and pipol wey feel sey dem strong, nor get pawa at-all. If yu go measure dem for skale, all of dem togeda nor heavy rish air.

Psalms 8:4

I dey ask mysef, “Wetin pipol bi wey Yu dey tink about dem? Na ordinary human being Yu dey kare about?”

Isaya 40:15

Si, di nashons nor mean anytin to God, dem bi like one drop of wota. Di island wey dey for far nor heavy rish dust for God hand.

Isaya 40:17

All di nashons nor mean anytin to am at-all. For God eye, dem nor mean anytin at-all.

Isaya 51:12

God sey, “Na mi dey give una pawa. So why una dey fear ordinary men wey nor go last pass grass?

Jeremaya 17:5

God sey, “I go curse di pipol wey leave mi kon go trust human being. Pipol wey depend on flesh and blood for dia pawa.

Malakai 3:15

Naw, wi dey sey, na pipol wey dey karry body up, happy pass. Wiked pipol nor dey only prosper, but dem dey test as God patient bi with di wiked tins wey dem dey do; yet nor-tin dey happen to dem.”

James 4:14

but yu nor know tumoro. Wetin yor life bi like? Yu bi like smoke wey dey kom out from fire. Pipol go si am, den small time e go vanish.