Isaya 19:13 - Holy Bible Nigerian Pidgin English

¹³ Zoan and Memfis leaders na fools. Na dem suppose lead di nashon, but bikos dem nor know di rite way, dem dey lead di pipol anyhow.

Isaya 19:13 ပူးပေါင်းရင်းမြစ်များ

Isaya 19:11

Zoan leaders na fools! Wise men for Egypt dey give di king yeye advise, if not, wetin go make yu tell Fero sey, “I dey among doz wey sabi rite and wi dey plan to ova-trow yu?”

Jeremaya 2:16

Yes! Memfis and Egypt sojas don distroy Israel glory and dem nor dey fear mi again.

Jeremaya 44:1

God tell mi about Israel pipol wey dey stay for Migdol, Tahpanhes, Memfis and all di oda towns wey dey Egypt sout.

Jeremaya 46:14

“Make yu shaut am for Egypt, Migdol, Memfis and Tahpanhes sey, ‘Make una ready to defend unasef, bikos dem go kom fight and distroy evritin where una get!’

Jeremaya 46:19

Egypt pipol, make una ready to go Babilon as slaves! Dem go turn Memfis to desert and e go bi dirty land where nobody dey stay.

Ezekiel 30:13

God wey get pawa sey, “I go distroy and skata di juju wey dey Memfis. Nobody go ever rule Egypt again and I go make all di pipol fear.

Ezekiel 30:14

I go make di sout-side for Egypt empty kon put fire for Zoan town wey dey di nort. I go ponish Tebes wey bi di main town.

Ezekiel 30:16

I go burn Egypt town and evribody for Pelusium go dey kry with pain. I go break Tebes wall rish groun kon kover di town with wota.

Hosea 9:6

Even if dem eskape distroshon for Assyria, Egypt sojas go kill dem and Memfis pipol go beri dem. Grass and shuku-shuku go grow kover all di place where dia house and silva dey.

Zekaraya 10:4

Rulers, leaders and kommanders go kom from Judah and some go rule my pipol.

Nombas 24:17

‘I don si am, but nor bi naw e go happen; Even doh I hold am, e nor dey near my hand. One star go kom out from Jakob pipol. E go kom out from Israel like septa. E go kill Moab pipol and Seth sons.

Romans 1:22

Even doh dem tink sey dem wise, dem bi fools;

1 Pita 2:7

So, una wey bilive don know en value, but for di pipol and builders wey nor bilive, dat Stone don kon bi di main stone.

1 Samuel 14:38

Den Saul sey, “Una wey bi di sojas oga, make una kom. Make una find out who make di pipol sin today.