Isaya 13:2 - Holy Bible Nigerian Pidgin English

² Make yu go on-top di hill go raiz di war flag! Make yu shaut and wave yor hand, so dat di sojas go fit enter di prince gate.

Isaya 13:2 ပူးပေါင်းရင်းမြစ်များ

Psalms 60:4

But Yu don give one banner to pipol wey dey fear Yu, so dat dem go dey save wen enemies attack dem.

Isaya 10:32

Enemies dey Nob town today and dem dey ready for war for Mount Zion wey dey Jerusalem.

Isaya 11:12

God go raiz flag as sign for di pipol; E go gada dem togeda again with all en pipol wey skata for evriwhere for di eart.

Isaya 11:15

God go divide Egypt pipol sea; E go wave en hand pass Eufrates River kon send one strong breeze, den E go turn am to seven small river wey don dry kon make pipol dey waka pass with ordinary leg.

Isaya 18:3

Make evribody wey dey for di world, listin! Una go si one flag on-top di mountin, den una go hear one trumpet sound,

Isaya 19:16

For dat time, Egypt pipol go bi like wimen. Dem go shake dey fear bikos Oga God wey dey lead heaven sojas don dey ready to ponish dem.

Isaya 31:9

Dia king go run komot from en palis bikos of fear; dia ofisas go dey fear wen dem si God war flag.” Dis na God word; di One wey en fire dey burn well-well for Mount Zion.

Isaya 5:26

God dey use sign take koll pipol from far-far nashon. E dey blow trumpet take koll dem from evriwhere for di world and dem dey gada kom kwik-kwik.

Jeremaya 50:2

“Make yu go tell di nashons di good news! Tell di pipol make dem listin well-well! Nor keep di news as sekret! Tell dem sey, ‘Dem go seize Babilon kon disgrace Bel and skata Marduk wey bi dia gods, den distroy all dia juju.

Jeremaya 50:41

Si, strong sojas dey kom from nort. One strong nashon and many kings dey kom attack dem from far.

Jeremaya 51:12

Make una give sign make dem go attack Babilon. Give di guide pawa kon put dem for dia pozishon, den una go hide some men for bush too!’ God don do wetin E sey E go do to Babilon pipol.

Jeremaya 51:25

Babilon! Yu bi like mountin wey distroy di whole world, but mi wey bi God, na una enemy. I go katch, skata and burn una to ashes.

Jeremaya 51:58

Dem go distroy Babilon strong wall kon burn dia big-big gate. Evritin wey Babilon build, go skata go like dat.”