Isaya 13:19 - Holy Bible Nigerian Pidgin English

¹⁹ Na Babilon pipol fine pass for all di kingdom and na dis make dem dey proud. But mi God, go distroy Babilon, just as I take distroy Sodom and Gomorrah!

Isaya 13:19 ပူးပေါင်းရင်းမြစ်များ

Jenesis 19:24

Den God send sulfur and fire like rain kom Sodom and Gomorrah

Jenesis 19:25

kon distroy dem, plus di valley with all di pipol for der and evritin wey dey grow for di land.

Isaya 13:1

Dis na di message wey God give Isaya wey bi Amos pikin about Babilon.

Isaya 21:9

Si, men wey dey ride horse dey kom. Den di guide sey, “Babilon don fall! All di juju wey dem dey woship, skata for groun!”

Isaya 47:5

“Babilon, sidan for darkness and make yu kwayet, bikos pipol nor go koll yu kween again!

Isaya 48:14

So, make all of una gada kon listin to mi! Wish one among una juju don tell una all dis tins before? Di sojas wey God choose go do wetin E plan against Babilon.

Jeremaya 25:12

“ ‘But wen di seventy years don finish, I go ponish Babilon and en king for dia sin. I go distroy and skata dat kountry forever.

Jeremaya 49:18

Na di same tin wey happen to Sodom and Gomorrah, go happen to Edom pipol; God go distroy dem and di village wey dey round dem. Nobody go ever stay der again. Mi, wey bi God, don tok.”

Jeremaya 50:40

Just as e bi wen I distroy Sodom and Gomorrah with di oda towns, na so too e go bi for Babilon. Nobody go ever stay der again. Mi, wey bi God, don tok.

Jeremaya 51:26

Di stone wey skata for una town, una nor go fit use am take build house again. Una go bi like desert forever.

Jeremaya 51:29

Di eart dey fear and shake, bikos God dey do wetin E plan wen E sey E go turn Babilon to desert where pipol nor dey stay.

Jeremaya 51:41

God tok about Babilon sey: “Dem don seize di town wey di whole world dey praiz! Naw, e don turn where nashons dey fear to stay.

Jeremaya 51:62

Den make yu pray sey, ‘Oga God! Yu don sey Yu go distroy dis place and pipol or animals nor go stay der again and e go dey empty forever.’

Daniel 4:30

E kon sey: “Dis nor bi di great Babilon wey bi di royal town wey I build by mysef to show my pawa, strent, glory and honor?”

Amos 4:11

“I distroy some of una town, just as I distroy Sodom and Gomorrah. And una wey remain bi like stik wey dey burn before dem komot am from fire. With all dis one, una still nor gri turn kom meet mi.” Na so Oga God tok.

Zefanaya 2:9

Naw, God wey dey lead Heaven Sojas sey, “As long as I dey alive, I go distroy Moab and Ammon pipol finish, just as I distroy Sodom and Gomorrah. Na shuku-shuku go full dia land; I go turn am to salt pit and skata am forever. My pipol wey remain, go take evritin wey remain for di land.”

Romans 9:29

Just as Profet Isaya tok before sey: “If to sey God Almighty nor save some among awa shidren, wi for don die finish like Sodom and Gomorrah.”

Deutronomi 29:23

Fire and sulfur go kover di whole land. Dem nor go fit plant for der and nor-tin go grow for der. E go bi like Sodom and Gomorrah, Admah and Zeboiim, di towns wey God vex distroy.

Revelashon 18:11

Den doz wey dey sell tins go kry and mourn for am, bikos nobody go buy dia tins again.

Revelashon 18:19

Den dem go pak dust for dia head kon dey kry and mourn: “E bad well-well! Babilon, di big town and where all doz wey get ship for sea dey from get money, bikos na only one hour God take distroy am! E bad well-well for yu!