Isaya 13:11 - Holy Bible Nigerian Pidgin English

¹¹ God sey, “I go bring wahala kom di eart and I go ponish all di wiked pipol, bikos of dia sin. I go make anybody wey dey proud, honbol and I go ponish evribody wey dey sturbon and wiked.

Isaya 13:11 ပူးပေါင်းရင်းမြစ်များ

Job 40:12

Yes! Look dem, make yu bring dem kom down kon skata where wiked pipol stand put.

Proverbs 11:31

Doz wey good, dey get dia reward for dis world, but na ponishment go follow pipol wey dey sin and do wiked tins.

Proverbs 8:13

If to sey una dey fear God, den una go hate bad tins. I hate pride, pipol wey dey tok anyhow, bad-bad tins and lie-lie words.

Isaya 11:4

E go judge evribody akordin to wetin dem do kon defend doz wey nobody dey help. E go ponish wiked pipol and doz wey dey do bad tins, go die.

Isaya 14:21

Make dem bigin kill di king sons, bikos of dia grand-grand papa sin. No one among dem go rule for dis world or build towns again.

Isaya 14:5

God don break wiked pipol pawa and di hand wey dem take dey rule.

Isaya 2:11

Di day dey kom wen God go honbol proud pipol kon disgrace sturbon pipol. Den na only God, pipol go dey praiz.

Isaya 2:12

True-true, God wey dey lead di sojas for heaven don plan di day wey E go judge evritin, bikos E go disgrace di pipol wey feel sey dem get pawa and dey make mout.

Isaya 2:17

For dat day, God go distroy doz wey dey karry body up kon disgrace sturbon pipol and na only en name pipol go dey praiz.

Isaya 22:14

But dis na wetin Oga God wey dey lead heaven sojas tell mi, “True-true, as long as dem dey alive, I nor go forgive dem dia sin.” Mi wey bi God wey get pawa, don tok.

Isaya 23:9

Na God wey dey lead heaven sojas do am. E do am to stop dia pride and to ponish dia pipol wey oda pipol dey respet.

Isaya 24:21

For dat time, God go ponish di wiked spirits wey dey di sky with doz wey dey rule as kings for dis world.

Isaya 25:3

Pipol from strong kountry go praiz Yu and wiked pipol from oda towns, go fear Yu well-well,

Isaya 25:5

Just as heat dey make land dry, na so too Yu dey kwayet strenjas wey dey karry body up. Just as kloud shadow dey make hot place kool, na so too Yu dey silent wiked pipol.

Isaya 26:21

bikos God dey kom from where E dey stay for heaven kon ponish pipol bikos of dia sins. Di eart go show all di innocent pipol blood wey dem share on-top am and e nor go ever forget di innocent pipol wey dem kill.

Isaya 29:20

Bikos pipol wey dey opress odas go vanish and all doz wey like to dey do bad tins, go die.

Isaya 29:5

Jerusalem, all di strenjas wey attack yu and di sojas wey make yu dey fear, na wons God go blow dem komot like ordinary dust.

Isaya 3:11

But evil pipol own don finish, bikos na wetin dem do pipol, God go do dem too.

Isaya 5:15

Dem go disgrace evribody kon honbol pipol wey dey karry body up.

Isaya 65:7

for dia sins and dia grand-grand papa own. Dem don burn incense for juju hills kon tok bad tins about mi. So I go ponish dem for wetin dem don do pass.”

Jeremaya 48:29

Moab pipol too dey proud! I don hear as dem proud and sturbon rish and how dem dey tink of demsef alone.

Daniel 4:34

But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.

Habakkuk 2:4

Si proud pipol, all wetin dem dey do nor dey good for my eye. But doz wey dey do good, go get long life, bikos dem dey obey my laws.