Isaya 12:1 - Holy Bible Nigerian Pidgin English

¹ For dat time yu go sey: “Oga God, I praiz Yu, bikos Yu bin dey vex for mi, but naw, Yu dey konfort mi and Yu nor dey vex again.

Isaya 12:1 ပူးပေါင်းရင်းမြစ်များ

Nehemaya 8:10

“Naw, make una go house go celebrate. Share food and wine with pipol wey nor get. Today na holy day for awa Oga God, so make una nor kry, bikos na God happiness dey make una strong.”

Job 11:16

Dat time all yor trobols go vanish like wota wey dey flow pass and dem nor go remember am again.

Job 13:16

E fit bi sey my boldness fit save mi, bikos know wiked pesin go try sey e won face God.

Psalms 30:5

Bikos en vexnashon nor dey tey, but en favor dey last forever! Even doh I kry for nite, I know sey joy go kom for morning.

Psalms 71:21

I know sey Yu go karry mi put for where dem go for honor mi well, so make Yu turn kon konfort mi.

Psalms 85:4

My God wey dey diliver us, make Yu save us again! Make Yu nor dey vex for us!

Psalms 86:17

Make Yu show mi sign sey Yu go favor mi. Den shame go katch di pipol wey hate mi, bikos Yu wey bi my God, don help and konfort mi.

Psalms 9:1

My God, I go tank Yu with all my heart; I go tok about all di wonderful tins wey Yu don do.

Isaya 10:25

E remain small for mi to ponish una finish, den I go distroy dem for una.

Isaya 10:4

Una nor go get anywhere to go dan to knee down with prisonas or to sleep with doz wey dem don kill. And with all dis, God still dey vex and E dey ready to kill dem with en own hand.

Isaya 11:16

E go kreate one way wey en pipol wey remain go take komot for Assyria land, just as e happen for Israel pipol wen dem dey komot from Egypt.

Isaya 14:3

Wen God don free Israel pipol from dia pain, sofa and di hard work wey dem force dem to do,

Isaya 2:11

Di day dey kom wen God go honbol proud pipol kon disgrace sturbon pipol. Den na only God, pipol go dey praiz.

Isaya 25:1

Oga God, na Yu bi my God! I go praiz yor name kon show as Yu good rish, bikos Yu don do wonderful tins and na as Yu tok before-before, na so Yu do am.

Isaya 25:9

Wen all dis tins dey happen, pipol go sey, “Look! Make una si God for here! Wi wait for am and E don kom diliver us. Si God for here! Wi really wait for am. So make wi rijoice and dey happy bikos E don save us.”

Isaya 26:1

For day time, pipol go sing dis song for Judah land: “Awa town dey strong well-well! God ensef dey defend awa wall and na-im dey make us strong!

Isaya 35:10

Dem go dey happy, dey sing and shaut with joy till dem rish Jerusalem. Dem go dey happy forever and dem go dey free from sorrow and pain.

Isaya 49:13

So heavens make una shaut for joy! Eart, make una shaut dey happy! Make di mountins bigin sing, bikos God go konfort en pipol kon sorry for di ones wey dey sofa.

Isaya 51:3

I go sorry for Jerusalem and evribody wey dey stay di land wey dem skata. Even doh en land na desert, I go turn am to gardin and e go bi like Eden gardin. Joy and happiness go dey der and dem go sing songs take praiz and tank mi.

Isaya 54:7

“Even doh I leave una for shot time, I go take una back and show una my love wey nor dey end.

Isaya 54:8

I vex leave una small, but I go show una my love forever.” Na so God, wey save una, tok.

Isaya 54:9

“I promise una for Noah time sey I nor go use wota distroy di world again. Naw, I dey promise sey I nor go vex for una again and I nor go rebuke or ponish una again.

Isaya 60:10

God tell Jerusalem pipol, “Oda pipol go build una wall and dia kings go serve una. I bin ponish una, bikos I dey vex, but naw, I go show una my favor and mesi.

Isaya 61:10

Jerusalem pipol dey happy, bikos of wetin God don do. E bi like yong woman wey dem dress ready for marriage. God don wear salvashon and viktory klot for en body.

Isaya 64:5

Yu dey help pipol wey dey do wetin dey rite; pipol wey remember how Yu wont make dem dey live dia life. But wen wi kontinue to dey kommit sin, Yu vex for us. So na how wi wont make Yu take save us?

Isaya 65:18

But make una dey happy forever, bikos of wetin I go kreate. Di new Jerusalem wey I go make, na only joy go full am and en pipol go dey happy.

Isaya 66:13

Just as mama dey konfort and kare for en pikin, na so too I go konfort and kare for Jerusalem pipol.

Jeremaya 30:19

Di pipol wey dey stay der go sing, praiz and dem go shaut for joy. My blessing go make dem many well-well and e go bring honor for dem.

Jeremaya 31:13

Den di yong wimen go sing with joy, while di yong and old men, go dey happy. I go konfort dem kon turn dia kry to joy and dia sorrow go bi happiness.

Hosea 11:8

Efraim pipol, how I won take leave or abandon una? I nor fit distroy una just as I distroy Admah pipol or trit una as I trit Zeboiim pipol? My heart nor go let mi do am, bikos di love wey I get for una, too strong.

Hosea 6:1

Make una kom make wi turn go meet God! Na-im wound us, but E go heal us! Even doh E wound us, E go bandage awa sore.

Zekaraya 1:16

“ ‘So I don kom back to Jerusalem town kon show dem mesi. Dem go build my temple and di town again.’ ”

Zekaraya 14:20

For dat day, dem go rite sey, “Na Oga God Dey holy.” Di pot wey dey God temple go dey holy, just as di basin wey dey di altar front.

Zekaraya 14:9

Den God go bi king for all di eart; evribody go woship and know am as God.

Zekaraya 8:11

But naw, God wey dey lead heaven sojas sey, “As for my pipol wey remain, I go dey trit dem well.

Zekaraya 8:19

“Di fasting wey Judah pipol dey do for di fourt, fift, sevent and tent mont, go kon bi festival for joy and for betta tins. Una must love trut and peace.”

Romans 11:15

Bikos wen God rijet Israel pipol, di whole world kon get salvashon. Na how e go kon bi, wen God asept dem back? E go give life to pipol wey won die.