Isaya 11:9 - Holy Bible Nigerian Pidgin English

⁹ So, great Zion, God hill wey dey holy, no evil or wahala go dey der again. Just as wota dey full sea, na so too God word go full pipol heart for di land.

Isaya 11:9 ပူးပေါင်းရင်းမြစ်များ

Job 5:23

Di land wey yu klear go dey free from stones and wild animals nor go kom near am.

Psalms 72:19

Make una praiz en name wey get glory forever! Make en glory dey di whole eart. Amen!

Psalms 78:54

E bring dem kom di borda for en holy land; di hill lands wey E don win for dem.

Isaya 11:13

Efraim pipol nor go jealous Judah pipol and Judah pipol nor go hate Efraim pipol again.

Isaya 11:8

Snake wey get poizin nor go bite small pikin, even if e near am or put hand for en mout.

Isaya 2:4

E go judge and setol kworel among nashons. E go setol many pipol kase. Dem go turn dia swod to ordinary blade kon use dia spear dey work for vineyard. Den, no nashon go fight against anoda nashon and dem nor go train pipol to fight war again.

Isaya 30:26

Full moon lite go shine like sun for aftanoon and sun lite go shine seven times pass as e dey shine before and e go bi like seven days lite. Den God go join en pipol bones wey bin break kon heal all dia wound.

Isaya 32:16

Dat time, dem go dey judge and trit evribody well both for di desert and for di town

Isaya 33:6

Na-im dey make en pipol strong kon make dem dey save. E dey protet and give dem wisdom and na only doz wey dey fear am, E dey do all dis tins for.

Isaya 35:9

No lion go dey der and wild animals nor go pass dat place. Na di pipol wey God don save, go pass dat road.

Isaya 45:6

I do dis tins make evribody for di world, from one end go rish di oda, know sey na mi bi God and e nor get anoda god wey bi like mi.

Isaya 49:6

God tell mi, “My savant, I get big work for yu; yu nor go only make Israel pipol wey survive, great again, but I go still make yu di lite for di nashons, so dat all di world go dey save.”

Isaya 52:10

God go use en holy pawa take save en pipol and di whole world go si am.

Isaya 54:5

Bikos di Pesin wey kreate una, go bi una husband. Na God wey get pawa bi en name. Israel God wey dey holy go save una. Dem dey koll am di God of di whole eart.

Isaya 56:7

“I go bring una kom Zion wey bi my holy hill kon give una joy wen una enter my prayer house, den I go asept di sakrifice wey una go offa for my altar. Dem go koll my temple, ‘Prayer house’, for all di nashons.”

Isaya 59:19

From east go rish west, evribody go fear en and en great pawa. E go kom like river wey dey rush well-well and like strong breeze wey dey blow.

Isaya 65:25

Wolf and sheep go dey chop togeda; lions go chop grass like melu, while snake go chop san and dem nor go dey wiked again. Nor-tin wey go kause wahala or evil go dey for my holy mountin for Zion again.”

Isaya 66:18

I know wetin dey dia mind and wetin dem dey do. I dey kom gada all di nashon togeda and wen dem don kom togeda, dem go si wetin my pawa fit do

Isaya 66:20

Just as Israel pipol dey bring rice ofrin kom di temple with fine kontaina, na so too dem go bring all una men from all di nashons kom give mi as ofrin for my holy mountin. Dem go karry dem kom my holy hill for Jerusalem with horse, melu, kamel, shariot and truck.

Jeremaya 31:23

Israel God wey dey rule evribody sey, “Wen I don bring di pipol kom back to dia land, dem go tok for Judah sey, ‘Make God bless Jerusalem hill; di holy place wey E dey stay.’

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Ezekiel 34:25

“I go make kovenant wey go guide and protet dem. I go distroy all di wiked animals for di land, so dat my sheep go fit stay for peace as dem dey di field and forest.

Ezekiel 47:5

E still measure anoda 1,000 and seven hundred and fifty fit, den di wota kon turn river and I nor fit cross am. E too deep to cross escept yu sabi swim.

Daniel 11:45

E go even build small palis for di sea centre near di holy mountin. But wen e go die, nobody go dey der to help am.”

Daniel 12:4

“But Daniel, make yu klose and keep di book for sekret until dis world don end. Many pipol go waste dia strent dey waka up-and-down, bikos dem nor fit undastand wetin dey happen.”

Hosea 2:18

For dat time, I go make kovenant with all di wild animals and birds, so dat dem nor go wound my pipol. I go still take di tins wey dem take dey fight war komot from di land kon let my pipol stay for peace.

Joel 3:17

“Den, Israel pipol, una go know sey na mi bi di Oga una God. I dey stay for Zion wey bi my holy hill. Jerusalem go bi holy town and strenjas nor go fit win am again.

Habakkuk 2:14

Just as wota full sea, na so too dem go know about God glory for evriwhere for dis world.

Zekaraya 14:9

Den God go bi king for all di eart; evribody go woship and know am as God.

Zekaraya 8:3

And naw, Oga God sey, “I dey go back to Jerusalem kon stay for Zion wey bi my holy town. Den pipol go koll Jerusalem ‘Di town wey dey faithful’ and dem go koll Oga God mountin, ‘Di holy mountin.’ ”

1 Tesalonians 5:15

Make una dey sure sey nobody pay bad for bad, but for evritime, make una always dey do good for each oda and for evribody.

Revelashon 21:27

But know dirty or yeye tin go ever enter di town. Pesin wey dey do bad or dey lie, nor go ever enter der, but di pipol wey go enter, na only doz wey dem rite dia name for di Lamb Life Book.