Isaya 11:6 - Holy Bible Nigerian Pidgin English

⁶ Just as wolf and sheep wey nor dey gri but kon stay togeda for peace, na so too leopard go liedan with yong goat. Yong sheep and small lion go chop togeda and small pikin go dey kare for dem.

Isaya 11:6 ပူးပေါင်းရင်းမြစ်များ

Job 5:23

Di land wey yu klear go dey free from stones and wild animals nor go kom near am.

Isaya 2:4

E go judge and setol kworel among nashons. E go setol many pipol kase. Dem go turn dia swod to ordinary blade kon use dia spear dey work for vineyard. Den, no nashon go fight against anoda nashon and dem nor go train pipol to fight war again.

Isaya 65:25

Wolf and sheep go dey chop togeda; lions go chop grass like melu, while snake go chop san and dem nor go dey wiked again. Nor-tin wey go kause wahala or evil go dey for my holy mountin for Zion again.”

Ezekiel 34:25

“I go make kovenant wey go guide and protet dem. I go distroy all di wiked animals for di land, so dat my sheep go fit stay for peace as dem dey di field and forest.

Hosea 2:18

For dat time, I go make kovenant with all di wild animals and birds, so dat dem nor go wound my pipol. I go still take di tins wey dem take dey fight war komot from di land kon let my pipol stay for peace.

Romans 14:17

Bikos God kingdom nor bi food and drink matter, but na about raitiousness, peace and joy wey di Holy Spirit dey give pipol.