Isaya 10:26 - Holy Bible Nigerian Pidgin English

²⁶ Mi, God wey get pawa, go use my kane take flog dem, just as I flog Midian pipol for Oreb Rock. I go ponish Assyria pipol, just as I take ponish Egypt pipol before.

Isaya 10:26 ပူးပေါင်းရင်းမြစ်များ

2 Kings 19:35

For dat nite, God send en angel go kill 185,000 sojas for Assyria kamp. Wen day break, all of dem don die.

Psalms 35:23

Make Yu raiz-up kom defend mi! My Oga God, make Yu take my matter like yor own.

Psalms 83:11

Make di mighty ones among dem die like Oreb and Zeeb. Make all di prince die like Zebah and Zalmunna

Exodus 14:16

But make yu yorsef raiz yor stik kon take am divide di Red Sea, so dat Israel pipol go waka pass for dry groun.

Isaya 10:24

Oga God wey get pawa tell en pipol for Zion, “Make una nor fear Assyria pipol; even doh dem dey opress una as Egypt pipol bin do una.

Isaya 11:16

E go kreate one way wey en pipol wey remain go take komot for Assyria land, just as e happen for Israel pipol wen dem dey komot from Egypt.

Isaya 30:30

God go shaut well-well kon fight with pawa. Yes! E go vex kom with fire wey dey distroy, heavy rain and with big-big stone wey dey fall from heaven.

Isaya 30:31

True-true, God vois go skata Assyria pipol, E go distroy dem with en rod.

Isaya 30:32

Evry blow wey E give dem, Israel pipol go support am with music from dia trumpet and jita and E go attack dem with en swod.

Isaya 9:3

Yu don make di pipol plenty kon give dem great joy. Dem dey happy for yor present, just as doz wey dey harvest wetin dem plant dey happy or as sojas dey celebrate wen dem divide wetin dem karry kom from war.

Isaya 9:4

All dis joy na bikos Yu don remove dia heavy load and di kane wey dem take dey flog dem. Yu don defeat di pipol wey dey tif and opress oda pipol, just as Yu bin defeat Midian sojas.

Revelashon 11:18

Di nashons dey vex, but di time wey yu go ponish dem, don rish. And na naw yu go judge doz wey don die kon reward yor savants; di profets; doz wey dey good and evribody wey dey fear yor name, both small and big. Dis na di time to distroy doz wey dey kause wahala for di eart.”

Revelashon 19:15

One sharp swod dey kom out from en mout and e go take am distroy all di kountries. E go rule dem with strong hand and E go mash di grapes wey dey bring wine with strong vexnashon, bikos na God get all di pawa.

Judges 7:25

Dem katch two Midian shief wey bi, Oreb and Zeeb. Dem kill Oreb for Oreb rock and Zeeb for where dem for dey press wine and di place name na Zeeb. Israel pipol still porshu Midian pipol, but dem bring Oreb and Zeeb head kom give Gideon for Jordan River east.