Isaya 10:17 - Holy Bible Nigerian Pidgin English

¹⁷ Den God, wey bi Israel lite, go bi like fire. God wey dey holy go bi fire and E go use one day take burn Assyria king and en pipol.

Isaya 10:17 ပူးပေါင်းရင်းမြစ်များ

Psalms 18:8

Smoke dey kom out from dia nose; fire dey pour kom out from dia mout with hot shako.

Psalms 21:9

Wen Yu appear, Yu go trow dem put for fire wey dey burn well-well. God go vex distroy dem for di fire.

Psalms 27:1

Na God bi my lite and my salvashon, so na who I go kon dey fear? Na en dey guide and protet mi from danger, so wetin go make mi dey shake?

Psalms 50:3

Awa God dey kom and E nor dey kwayet at-all. Fire dey burn evritin wey dey en way and strong breeze wey dey make nois, dey round am.

Psalms 84:11

Oga God na awa sun and naim dey protet us. God dey give us grace and glory and E go always dey good to doz wey dey do good.

Psalms 97:3

Fire dey round God for front and E burn all en enemies for evry side.

Isaya 26:11

My God, even doh Yu don dey ready to ponish wiked pipol, dem nor still know sey Yu won ponish dem. Dem go si am and shame go katch dem wen dem si how Yu go take judge yor enemies for di world.

Isaya 27:4

I nor dey vex for di vineyard again. If enemies won attack my pipol, I go mash go fight and burn dem with fire.

Isaya 27:7

God don distroy Israel pipol, just as E do doz wey dey opress dem? E don kill Israel pipol as E kill dia enemies?

Isaya 30:33

Dem don already prepare di place where dem go beri Israel enemies put; dem don make am deep and wide for dia king. Dem don gada di firewood and God breath wey bi like fire and sulfur, go kom like river wey dey flow kon distroy en enemies.

Isaya 31:1

Pipol wey dey go Egypt for help, curse dey dia head! Dem dey put dia hope for di plenty sojas, ordinary horse and shariot wey Egypt get. But dem nor trust Israel God or kom meet am make E help dem!

Isaya 31:9

Dia king go run komot from en palis bikos of fear; dia ofisas go dey fear wen dem si God war flag.” Dis na God word; di One wey en fire dey burn well-well for Mount Zion.

Isaya 33:12

Una go skata like rocks wey dem dey burn take make lime; like shuku-shuku wey dey burn to ashes.

Isaya 33:14

Zion pipol wey dey sin, dey fear! Pipol wey nor dey fear God, dey shake. Dem sey, “E get any one of us wey fit survive dat kind fire?”

Isaya 37:23

“ ‘Who yu tink sey yu dey curse and laf since? Yu nor dey respet mi wey bi Israel God wey dey holy.

Isaya 37:36

So God angel go Assyria kamp for nite kon kill 185,000 sojas. All of dem die before day break!

Isaya 47:14

Si! Dem bi like grass wey fire burn trowey! Dem nor even fit save demsef, from di fire wey too hot for dem. Wen di weda kold, dem nor get fire to take warm demsef or di one dem go sidan near.

Isaya 60:19

Di sun nor go bi una lite for day time again or di moon for nite, bikos na mi, wey bi God, go bi una lite forever and my glory lite go always dey shine on una.

Isaya 66:24

All doz wey bin fight mi, dem go si dia dead body for road. Di worms wey chop dem nor go ever die and dem nor go ever kwensh di fire wey go burn dem. Dia dead body nor go dey good for human being to si.”

Isaya 9:18

Di pipol wikedness dey burn like fire wey dey distroy both grass and shuku-shuku. E dey burn forest and en smoke dey go up to heaven.

Jeremaya 4:4

Make una keep di kovenant wey una make with mi wey bi una God kon dedikate unasef to mi. If una nor do am and una kontinue di bad tins wey una dey do, my vexnashon go burn una like fire. E go burn well-well and nobody go fit kwensh am.”

Jeremaya 7:20

So, di Oga God sey, “I go pour my vexnashon for dis land. I go pour am put for both pipol and animals body and even di trees and food wey dem plant. My vexnashon go burn like fire and nobody go fit kwensh am.”

Nahum 1:10

En enemies bi like dry shuku-shuku for bush. Yes! Dem bi like pesin wey don drink well-well. True-true, fire go burn dem like dry grass.

Zefanaya 1:18

Una gold and silva nor go save una wen God go show as E dey vex rish. En jealousy bi like fire and di fire go distroy di world. Yes, na God make evribody for di world dey fear.

Zekaraya 12:6

For dat day, I go make Judah leaders bi like fire wey dey burn forest and farm wey ripe korn full. Dem go distroy all di nashons wey surround dem, den Jerusalem pipol go dey save.

Nombas 16:35

Den God send fire kon distroy di two hundred and fifty men wey lite incense.

Matiu 3:12

Di fan wey e go take blow kanda komot from korn, dey en hand and e go gada and keep en korn inside store kon burn di dirty for faya wey nor dey kwensh.”

Deutronomi 4:24

Di Oga una God na strong fire wey dey burn anytin and E dey jealous well-well.

Hibru 12:29

Bikos awa God na big and strong fire wey dey distroy tins.

Revelashon 21:23

Di town nor nid sun or moon to shine, bikos God glory dey shine put and na di Lamb bi en lite.

Revelashon 22:5

Nite nor go dey again and dem nor nid lantan or sun lite, bikos God go bi dia lite and dem go rule forever and ever with am.