Isaya 1:16 - Holy Bible Nigerian Pidgin English

¹⁶ Make una go wosh unasef klean and stop all di evil tins wey una dey do.

Isaya 1:16 ပူးပေါင်းရင်းမြစ်များ

2 Kings 17:13

God really warn Israel and Judah pipol thru all en profets and doz wey dey si wetin go happen sey, “Make una turn from sin kon obey my kommand and laws wey dem rite for una. Na mi sey make una grand-grand papa dem keep dis law and I dey send my savants kon remind una about am.”

Psalms 26:6

My God, I dey live my life well, so dat I go fit kom yor altar

Psalms 34:14

Make yu turn from wiked tins kon do wetin dey good. Make yu dey leave for peace with evribody and do evritin to keep am like dat.

Psalms 37:27

So, make yu turn from bad tins kon do good and yu go stay for di land forever.

Psalms 51:2

Make Yu wosh and klean mi from di bad tins wey I do. Klean mi from all my sins.

Proverbs 21:3

Instead of sakrifice, make pesin do wetin good and korrect; tins wey go make belle sweet God.

Proverbs 4:27

Make yu run from bad tins kon waka for strait road, so dat yu nor go turn go left or rite.

Isaya 52:11

All of una wey dey karry di temple tins, make una know sey God go save una from Babilon. So make una nor tosh anytin wey dem dey forbid; make una make unasef holy, so dat una nor go die.

Jeremaya 18:11

So naw, tell Judah and Jerusalem pipol sey, ‘I dey plan and dey ready to ponish dem.’ Tell dem make dem stop to dey sin kon shange di way dem dey live dia life and di tins wey dem dey do.

Jeremaya 25:5

Dem tell una make una shange di kind life wey una dey live kon stop all di wiked tins wey una dey do, so dat una go kontinue to dey stay for dis land wey God give una and una grand-grand papa.

Jeremaya 26:3

May bi dem go listin kon stop to do di wiked tins wey dem dey do. If dem stop, I go shange my mind and I nor go distroy dem again.

Jeremaya 35:15

I send my savant, di profets kom meet una sey make una stop di bad tins wey una dey do kon do di korrect tin. Dem warn una sey make una nor woship and serve oda gods, so dat una go kontinue to stay for dis land wey I give una and una grand-grand papa, but una nor gri listin or hear dem.

Jeremaya 4:14

“So Jerusalem pipol, make una from una heart stop all di bad-bad tins wey una dey do, so dat una go dey save. Wetin make una nor fit stop to tink bad-bad tins?

Amos 5:15

Make una hate bad tins kon love to do good, den dey judge well for kourt. May bi God go sorry for di pipol wey still remain for dis land.

Jonah 3:8

Make evribody and dia animals wear sak kon pray well-well to God, den turn from dia sin go meet am.’

Zekaraya 13:1

God sey, “For dat day, I go open one place where wota go for rush kom wosh David shidren-shidren and Jerusalem pipol from all dia sins and all di bad-bad tins wey dem dey do.

Zekaraya 7:7

Dis nor bi di same message wey God tell una thru en profets before-before wen Jerusalem and Judah town dey stay for peace and wen Negev and Judah pipol still plenty?’ ”

Matiu 3:8

Naw, make una do wetin go show sey una don turn from sin kom meet God,

Acts 22:16

Naw, wetin yu dey wait for? Get up, make dem baptize yu, so dat God go forgive yu yor sin, as yu koll en name.’

Romans 12:9

Make wi love each oda well-well. Make una hate anytin wey dey bad, but una must love anytin wey get trut.

2 Korintians 7:1

So, as God don promise us all dis tins, make wi wosh awasef komot from evritin wey go fit make awa body or awa soul dirty, so dat wi go dey holy as wi dey respet God.

James 4:8

Draw near God and E go draw near yu. Una wey bi sina, make una wosh una hand and una wey get doubol mind, make una heart dey klean.

1 Pita 2:1

Make una stop to do bad tin; dey deceive pipol, pritend; dey jealous and tok bad about pipol.

1 Pita 3:11

E must turn from di wikedness wey e dey do, kon start to do good and make e live for peace with evribody.

Revelashon 7:14

I kon ansa, “My oga, na yu know di ansa.” Den e sey, “Dis pipol die bikos of Christ. Dem don use di Lamb blood take wosh dia klot, naim make am white like dat!