Isaya 1:13 - Holy Bible Nigerian Pidgin English

¹³ Make una stop to bring una yuzles ofrins bikos di smell of di incense wey una dey burn, dey make mi vex. I nor wont una new moon festival; una Sabat and where una for dey gada woship mi, bikos sin don spoil all of dem.

Isaya 1:13 ပူးပေါင်းရင်းမြစ်များ

2 Kings 4:23

But di husband ask, “Wetin make yu wont go si am today? Today nor bi new moon or Sabat Day.” But di woman ansa, “Evritin dey okay.”

1 Kronikles 23:31

both for di time wen dem burn sakrifice as ofrin to God on Sabat Day and for New Moon Feast. E get di nomba of pipol wey must serve God evritime, just as dem rite am for di law.

Psalms 78:40

Dem sin against am many times for di wildaness kon make am vex for dat dry dirty land.

Exodus 12:16

For di first and sevent day, make una gada kom woship mi. Nobody go work for doz days, escept una won do wetin una go chop.

Proverbs 21:27

God nor like wen wiked pipol dey offa sakrifice gi-am, bikos dem dey do am with bad belle.

Proverbs 7:14

“I get fresh meat for house and today, I don do wetin I promise.

Isaya 66:23

For evry New Moon festival and Sabat Day, evribody go kom Jerusalem kon woship mi.

Isaya 66:3

Wiked pipol dey do tins for God like sey dem dey do am give juju and dis kind tin dey make God vex for dem. Weda dem kill melu as sakrifice, dem go dey guilty like sey dem kill human being. Even if dem sakrifice lamb, e go bi like sey na dog dem sakrifice; even if na rice dem present, dem go dey guilty like sey dem offa pig blood as ofrin; or if dem offa incense give God, dem go still dey guilty like who offa am give juju, bikos dis pipol don choose dia own way and dem like di yeye tins wey dem dey do.

Lamentashons 2:6

E distroy en temple like sey na vineyard kon skata where wi for dey woship am. God make Zion pipol forget dia festival and Sabat Day. Naw, kings and priests don fall, bikos E dey vex.

Ezekiel 20:39

God wey get pawa sey, “Israel pipol, make una dey do wetin una like! Make una kontinue to serve una juju! But I dey warn una sey, afta una don serve juju finish, una go must obey mi kon stop to rijet my name wey dey holy, bikos una dey ofrin to juju.

Hosea 2:11

I go stop all di party and feast wey e dey do evry mont, year and for Sabat Day.

Joel 1:14

Koll and tell evribody sey make dem fast! Gada di leaders and all Judah pipol go meet and kry give God for en temple!

Joel 2:15

Make una blow di trumpet for Mount Zion; koll di pipol gada kon orda sey make dem fast!

Levitikus 26:31

I go distroy una towns kon skata di place where una for dey woship and I nor go asept una sakrifice.

Malakai 1:10

God sey, “I wish sey one of una go klose di temple door, so dat una nor go dey burn yuzles fire for my altar. I nor dey happy with una and I nor go asept di sakrifice wey una dey bring kom give mi.”

Nombas 10:2

“Make yu make two trumpet with silva from one hammer. Yu go use am take dey gada di kommunity and to tell dem wen dem won travel.

Matiu 15:9

and di woship wey dem dey give mi, dey yuzles, bikos dem dey tish tradishon wey human being get.’ ”

Luke 11:42

“Curse dey una head! Una wey bi Farisee pipol! Una dey give God one out of evry ten tins wey una get! But una dey forget pipol wey nor get.

1 Korintians 11:17

Di way una dey woship God, dey kause wahala pass di good wey E dey do for una. Bikos of dis, I nor go fit praiz una.

Efesians 4:30

Make una nor do wetin go make di Holy Spirit vex. Bikos na di Holy Spirit bi di mark wey God put for una body, so dat for judgement day, E go know doz wey E go save.

Filippians 1:15

True-true, na jealousy and kworel make some dey prish about Christ, but odas dey do am with betta mind.