Hosea 9:6 - Holy Bible Nigerian Pidgin English

⁶ Even if dem eskape distroshon for Assyria, Egypt sojas go kill dem and Memfis pipol go beri dem. Grass and shuku-shuku go grow kover all di place where dia house and silva dey.

Hosea 9:6 ပူးပေါင်းရင်းမြစ်များ

2 Kings 13:7

King Jehoahaz nor get any sojas, escept fifty men wey fit use horse, ten shariot and 10,000 sojas for groun. Siria king don kill and mash all en men like san-san.

Psalms 107:34

E turn di land wey get fruit to land wey nor get anytin at-all, bikos of di wiked tins wey di pipol wey dey stay der, dey do.

Proverbs 24:31

na shuku-shuku and grass grow full am. Di wall wey dem build round am, don fall rish groun.

Isaya 11:11

Wen dat day rish, Israel pipol wey dey Assyria, Patros, Sudan, Elam, Babilon, Hamat, di towns wey dey near di sea and Egypt, God go use en pawa take bring dem kom back to Jerusalem.

Isaya 19:13

Zoan and Memfis leaders na fools. Na dem suppose lead di nashon, but bikos dem nor know di rite way, dem dey lead di pipol anyhow.

Isaya 27:12

Di time dey kom wen God go shake di tree from Eufrates River go rish di rut for Egypt and just as farmer dey separate korn from dia kanda, na so too God go gada and separate en pipol one-by-one.

Isaya 32:13

Make una kry well-well, bikos shuku-shuku and grass don grow kover di land. Make una kry for all di house and towns wey pipol for dey happy before.

Isaya 34:13

Shuku-shuku go grow full dia farms; jackals and owls go dey stay for di town.

Isaya 5:6

I go let grass grow for evriwhere and I nor go trim di vine or use hoe dig di groun again, instead, I go let dirty kover am and rain nor go ever fall put again.”

Isaya 7:23

Wen dat time rish, di vineyard wey fine well-well and get one tazon vine wey rish one tazon pieces for silva, shuku-shuku go grow kover am.

Jeremaya 2:16

Yes! Memfis and Egypt sojas don distroy Israel glory and dem nor dey fear mi again.

Jeremaya 42:22

So make una remember sey; una go die for war and honga and diziz go kill una for di land wey una dey run go stay.”

Jeremaya 44:1

God tell mi about Israel pipol wey dey stay for Migdol, Tahpanhes, Memfis and all di oda towns wey dey Egypt sout.

Jeremaya 44:12

Den, Judah pipol wey remain, wey don make up dia mind sey dem won go Egypt, I go make sure sey, dem distroy dem finish. Both big and small go die for Egypt; weda na for war or honga. Pipol go si dem dey fear and dem go trit dem anyhow kon use dia name as curse.

Jeremaya 44:13

I go ponish all di pipol wey dey Egypt, just as I take war, honga and diziz take ponish Jerusalem pipol.

Jeremaya 46:14

“Make yu shaut am for Egypt, Migdol, Memfis and Tahpanhes sey, ‘Make una ready to defend unasef, bikos dem go kom fight and distroy evritin where una get!’

Jeremaya 46:19

Egypt pipol, make una ready to go Babilon as slaves! Dem go turn Memfis to desert and e go bi dirty land where nobody dey stay.

Ezekiel 30:13

God wey get pawa sey, “I go distroy and skata di juju wey dey Memfis. Nobody go ever rule Egypt again and I go make all di pipol fear.

Ezekiel 30:16

I go burn Egypt town and evribody for Pelusium go dey kry with pain. I go break Tebes wall rish groun kon kover di town with wota.

Hosea 10:8

Dem go skata di juju house on-top di hill for Aven where Israel pipol for dey go woship am. Shuku-shuku and grass go grow kover dia altars. Di pipol go shaut koll di mountins sey, “Make yu kom hide us!” Dem go tell di hill, “Make yu kom kover us!”

Hosea 11:11

Dem go rush kom from Egypt like bird and from Assyria like dove. I go bring dem kom back to dia town again. Mi, wey bi God, don tok.”

Hosea 2:6

But I go fence and block una mama with shuku-shuku, so dat e nor go waka go anywhere.

Hosea 7:11

Efraim pipol dey waka up-and-down like bird wey dem dey kwik deceive; dem koll Egypt pipol make dem kom help dem fight; but afta, dem run go koll Assyria pipol too!

Hosea 7:13

Dia own don finish! Dem don forget mi kon dey do wetin I sey make dem nor do, so I go distroy dem. I won save dem before, but dem nor dey woship mi from dia heart.

Hosea 7:16

Dem dey always waka leave mi go meet and follow oda gods wey nor get pawa. Dem nor dey stabol; dem bi like bow wey bend. Bikos dia leaders dey tok anyhow, dia enemies go kill dem, den Egypt pipol go laf dem well-well.”

Hosea 8:13

Dem dey offa sakrifice give mi kon chop di sakrifice meat. But mi wey bi God nor dey happy with dem and naw, I go remember dia sin kon ponish dem. I go send dem go back to Egypt!

Hosea 9:3

Israel pipol nor go stay for God land again, but dem go-go back to Egypt, den for Assyria, dem go chop food wey dem dey forbid.

Levitikus 26:33

I go make war happen to una and I go skata una go strenj land. Nobody go dey di land and I go distroy una towns.

Zefanaya 1:11

All of una wey dey stay near di market, make una kry with pain, bikos I go distroy all doz wey dey sell and buy.

1 Samuel 13:6

Dem attack Israel pipol well-well and Israel sojas kon run go hide for di kaves, holes, inside rocks, pits and wells;