Hosea 7:2 - Holy Bible Nigerian Pidgin English

² Dem nor know sey, I remember all di bad-bad tins wey dem do. Dia sin plenty well-well and I dey si all di wiked tins wey dem dey do.

Hosea 7:2 ပူးပေါင်းရင်းမြစ်များ

Job 34:21

God dey si evritin wey wi dey do. E dey si evry step wey wi take.

Psalms 10:11

Wiked pipol dey sey, “God nor dey si us! E don klose en eye and E nor go even fit si wetin wi dey do!”

Psalms 25:7

Make Yu nor remember di sins wey I kommit wen I yong. Remember mi for di lite wey yor love wey nor dey fail dey bring, bikos Yu my God, dey sorry for pesin.

Psalms 50:22

All of una wey don forget mi, make una turn from sin kom meet mi or I go kill una finish and nobody go kom help una.

Psalms 9:16

Dem don know God naw, bikos E dey judge well and naw, wiked pipol dey fall enter dia own trap.

Psalms 90:8

Yu know all di sins wey wi kommit; even di sins wey wi hide do, Yu dey si all of dem.

Isaya 1:3

Melu know en owner, donkey sef know who dey gi-am food, but Israel wey bi my pipol nor know or undastand mi at-all.”

Isaya 26:16

God, wen wi dey pass thru pain, wi kry, pray and look for Yu, bikos of di way Yu dey ponish us.

Isaya 44:19

Dem nor tink or rizin sef sey, ‘I dey burn some of di wood take bake bread and roast meat chop. Yet, I dey use dis same wood make juju and woship am?’

Isaya 5:12

Yes! Una dey play harp, tamborin, flute and dey drink wine for una party, but una nor undastand wetin God dey do,

Jeremaya 14:10

God tok about dis pipol sey: “Dem dey run from mi and dem nor dey kontrol demsef. So, I nor dey happy with dem. I go remember all di bad-bad tins wey dem don do kon ponish dem, bikos of dia sin.”

Jeremaya 16:17

Bikos I dey si evritin wey dem dey do; dia wikedness nor hide from mi and e nor get where dem hide dia sin put wey I nor go si am.

Jeremaya 17:1

God sey, “Judah pipol, na iron biro dem take rite una sin; na diamond pin dem take karve am for una heart and di altar korna.

Jeremaya 2:19

Na di wiked tins wey una do go ponish and kondemn una, bikos una turn from mi. So, una go learn as e betta and wiked rish nor to dey fear mi or forget mi wey bi di Oga una God.” Mi, wey bi God, don tok.

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

Jeremaya 4:18

Judah, na una kause dis wahala, bikos una dey live yeye life kon dey do bad tins. Na una sin kause dis sofa and e go pain una enter una heart.

Jeremaya 44:21

“Una tink sey God nor know sey una and una grand-grand papa with una kings, ofisas and all di pipol dey burn incense give juju for Judah town and all di street for Jerusalem?

Ezekiel 21:29

Di vishons wey una si nor bi true and wetin una sey go happen, na lie. Una dey evil and wiked well-well and una day dey kom; di day wey God go ponish una, den di swod go kut una neck komot.

Hosea 12:2

Naw, God get wetin E go tok against Judah pipol. E go ponish Jakob shidren bikos of di way dem dey bihave. E go pay dem back for wetin dem don do.

Hosea 4:9

Dem go sofa di same ponishment with di pipol! I go ponish and make dem pay for di evil and wiked tin wey dem do.

Hosea 6:2

Afta two or three days, E go heal us, so dat wi go fit stay for en present again.

Hosea 8:13

Dem dey offa sakrifice give mi kon chop di sakrifice meat. But mi wey bi God nor dey happy with dem and naw, I go remember dia sin kon ponish dem. I go send dem go back to Egypt!

Hosea 9:15

So God sey, “All di bad tins wey dem dey do, na Gilgal dem from start am and na from der I start to hate dem kom. I go drive dem komot from my land, bikos of di evil wey dem do. I nor go love dem again. Yes! Even dia leaders don go against mi.

Hosea 9:9

Just as dem sin for Gibeah, na so too dia sin and wikedness dey bad rish. God go remember dia sin kon ponish dem.”

Amos 8:7

Naw, Oga God swear with en name sey: “I nor go forget all dis evil tins wey una don do.

Jonah 1:2

sey, “Make yu go Nineveh, dat big town kon tell di pipol about my judgement wey dey kom, bikos I don hear how di pipol for der wiked rish.”

Nombas 32:23

“But if una nor do wetin una promise, I dey warn una, bikos na sin una don kommit against God bi dat. Make una nor konfuse unasef; bikos una go must get di ponishment for una sin.

Luke 12:2

Anytin wey pipol hide naw, go kom out for publik and anytin wey dey sekret naw, God go bring am out.

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

Deutronomi 32:29

How I wish sey dem get sense and fit undastand dis tins or know wetin go happen to dem.

Hibru 4:13

Nor-tin wey God kreate fit hide from am and evritin dey naked to God, bikos wi go must tell am how wi live awa life.