Hosea 6:1 - Holy Bible Nigerian Pidgin English

¹ Make una kom make wi turn go meet God! Na-im wound us, but E go heal us! Even doh E wound us, E go bandage awa sore.

Hosea 6:1 ပူးပေါင်းရင်းမြစ်များ

2 Kronikles 30:6

Di messenja give evribody for Israel and Judah, di king and di ofisas leta. Wetin di king rite for di leta na, “My pipol Israel, make una turn back kom meet Abraham, Isaak and Israel God, so dat E go kom meet una wey E save from Assyria kings.

Job 16:9

God don skata mi, bikos E dey vex. E tear mi with en tit and dey look mi one kind.

Job 22:23

Make yu go back go meet God; if yu remove wiked tins for yor house, E go karry yu up.

Job 34:29

If God sey E nor go do anytin, nobody go fit ask am kweshon. If E hide en face, wi nor go get help at-all weda na one pesin or di hold kountry.

Job 5:18

God go kover where E for wound yu; na en hand wound yu and na dat same hand E go take heal yu.

Psalms 30:7

But my God, wen yor favor don sikure mi like mountin, Yu kon turn from mi and evritin wey I get kon skata.

Psalms 6:2

Make Yu sorry for mi, bikos I dey weak. Make Yu heal mi, bikos my bones dey shake.

Psalms 71:20

Even doh Yu don make mi sofa well-well, I know sey Yu go make mi happy again kon take mi komot from di pit wey I dey.

Ekklesiastes 3:3

Time dey to kill and time dey to heal pesin; time dey to skata and time dey to build.

Isaya 17:7

Wen dat day rish, pipol go trust God wey kreate dem; dem go depend on Israel God wey bi di King of all kings.

Isaya 2:3

and pipol go dey sey, “Make wi klimb go God mountin. Yes! Make wi go Israel God Temple, den E go tish us wetin E wont make wi do and wi go waka for di road wey E choose. Bikos betta tishing dey kom from Jerusalem and God dey tok to en pipol from Zion.

Isaya 30:22

Una go distroy una juju wey dem make with silva and gold. Una go trowey dem like rag wey dem take klean groun kon sey, “Make una take dem komot here.”

Isaya 30:26

Full moon lite go shine like sun for aftanoon and sun lite go shine seven times pass as e dey shine before and e go bi like seven days lite. Den God go join en pipol bones wey bin break kon heal all dia wound.

Isaya 55:7

Make wiked pipol turn from dia wiked life kon shange di way dem dey tink. Make dem turn go meet di Oga wey bi awa God, bikos E dey sorry for pesin and dey kwik forgive pipol.

Jeremaya 3:22

Naw, una wey nor dey faithful, make una kom back kom meet mi and I go heal una!” “Yes! Wi go kom meet Yu, bikos na Yu bi di Oga wey bi awa God.

Jeremaya 30:12

God tell en pipol, “Dem nor go fit cure una wound and una sore go dey forever.

Jeremaya 30:17

And even doh una enemies sey, ‘Zion nor mean anytin and nobody kare about am,’ I go make una well again kon heal una wound. Mi, wey bi God, don tok.”

Jeremaya 33:5

Una won go fight Babilon pipol, but una sojas nor betta pass doz wey don die, bikos as I dey vex, I don make up my mind to distroy dem. I don turn from dem, bikos of dia wikedness.

Jeremaya 33:6

But I go heal di town and en pipol kon make dem well again. I go give dem peace forever and dem go dey save.

Jeremaya 50:4

God sey, “Wen dat time rish, Israel and Judah pipol go kry kom find mi wey bi dia God.

Jeremaya 50:5

Dem go ask kon follow di road wey dem dey pass go Zion. Dem go make kovenant wey nor dey end with mi and dem nor go break am.

Lamentashons 3:11

E drag mi komot for road; tear mi to pieces kon leave mi and nobody dey to help mi.

Hosea 11:10

I go shaut like lion kon fight my pipol enemies, den my pipol go follow mi. Dem go rush kom meet mi from west.

Hosea 12:6

So, make una turn kom meet una God. Make una show love; dey judge well and dey patient as una dey wait for God.

Hosea 14:1

Israel pipol, make una turn back kom meet di Oga una God, bikos una sin don make una fall.

Hosea 14:4

So God ansa, “I go bring my pipol kom back to mi. I go love dem with all my heart and I nor go vex for dem again.

Hosea 3:5

But di time dey kom wen Israel pipol go turn kom meet Oga God and one among David shidren-shidren, go bi dia king. Den dem go fear God and E go bless dem.

Levitikus 14:48

If di priest kom look and di diziz nor kom back again afta dem don plasta di wall, e go sey di house dey klean, bikos di diziz don go.

Zefanaya 2:1

Dis nashon wey nor get shame, make una gada togeda.

Deutronomi 32:39

God sey, “Na Mi, bi Mi! And e nor get any oda god escept Mi. I dey kill and give life, I dey make pesin sick and heal pesin too and nobody go fit fight mi.

1 Samuel 2:6

God dey kill and give life; E dey beri and raiz pipol from deat.

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”